Thursday, June 30, 2011

උබ දාහේ කොලේ මට ලැබුණු,
සරලයි එත් හිතට බයයි,
උබ 500 2ක් උනාම මට,
සරලයි එත් බය අඩුයි,
උබ 100 10ක් උනාම මට,
දැන් නං බය අඩුයි,
උබ 10 100 ක් උනාම මට,
සකිර්ණයි එත් බය නැ,



එත් උබ සතේට වැටුනම,
මට,
සංකීර්ණයි,බයක් නං ඇත්තෙම නැ,දැන් මට වැඩකුත් නැ..   

ආදරයත් අරගෙන එන්න..



අඳුර පිරුණු මගෙ ජීවන ගමනට
පහන් ටැඹක් වී නුඹ ඉන්න
ඉඩෝරයක් වී දැවෙනා දිවියට
දිය බිඳුවක සිසිලස දෙන්න
මගක් නොදැන යන මේ දිවි ගමනේ
පාර කියන තරුවක් වෙන්න
ආදරයක් හිමි නැති හිත ගාවට
ආදරයත් අරගෙන එන්න...

අකීකරු සිත

අතැගිලි බන්දා

සිටි ඒ හෝරා

සිත ඉල්ලනවා

නුඹව පතා...


මෙකත් මගේ පරන බ්ලොග් එකෙ දාපු එකක්. අද ඊයෙක ලියපුව නෙවී මේ. ගොඩ කාලෙකට කලින්. ඒක නිසා වැරදියට හිතන්න එපා. මෙ මූඩ් එකට 0.1ක් වත් ලග මූඩ් එකක නෙවී මං මේ දවස් වල ඉන්නෙ. මේ අවුරුදු 20ටම ජීවිතෙ නොතේරුන, අවුල් උන සමහර දේවල් එක දිගට හිතා ගන්න බැරිවිදියට විසදෙනවා. ඒක වෙන්නෙ හොදකටද, නරකටද කියලා හිතා ගන්න බැරුවයි මං තාම ඉන්නෙ. :) :) :) ඒක හිතා ගත්ත දවසකට පරන පෝස්ට් දාන්නෙ නැතුව එවෙලෙ ලියලා දාපු එකක්ම දාන්නංකො... එතකන් සිතුවිලි පවුරෙ අපේ අය මාත් එක්ක තරහා වෙන්න එපා හොදේ...

ඔබ වෙයි හපනා...

Wednesday, June 29, 2011

ප්‍රශ්න අංක 1
යාලුවොන්ට කැට පෙරළ පෙරළ ඉන්න පොඩි ප්‍රශ්නයක් දාන්න හිතුනා...:)
මේක මෙන්න මෙහෙමයි.යටින් තියෙන්නේ ඒකක 5*5 ජාලයක් සහිත පුවරුවක්.එකේ උඩ දාදු කැටයක් තියෙනවා.දාදු කැටයේ විරුද්ධ මුහුණත් 2කේ එකතුව 7යි.දාදු කැටය එක් වතාවක් පෙරළිමෙන් ඊලග කොටුවට පිවිසෙනවා නම්,අදාල මාර්ගය දිගේ ගිහින් අවාසානයේ දී දාදු කැටයේ මුදුනේ පෙන්වන ඉලක්කම කියද කියලයි මම අහන්නේ?













ප්‍රශ්න අංක 2
ඔන්න මැජික් කො‍ටුවක්...1 සිට 9 විතරයි අංක දාන්න ඔනි.එක අංකයක් එක පාරයි භාවිතා කරන්න පුළුවන්..ඔයාලට තියෙන්නේ A, B,C,D වල අගය හොයලා කියන්නයි.

ප්‍රශ්න අංක 3
පැහැදිලියි නේ X,Y,Z හොයන්නයි ඔනි.. :)
 ප්‍රශ්න අංක 4

ප්‍රහේලිකාවක් වගේ නේ. ඔකේ නම් 1,2,3,4,5 වලට අයිති වචන හොයන්න තමයි ඔනේ ඔන්න.හැබැයි ඔන්න කොන්දෙසි 2කක් තියනවා.

1. 1 වෙනි ප්‍රශ්නයට පිළිතුර වශයෙන් පහළට යොදන වචනයේ මුල් අකුර,තෙවෙනි අකුර හා පස්වන අකුර පිළිවලින් 2,4,5 යන ප්‍රශ්න වලට පිළිතුරු වශයෙන් හරහට යොදන වචන වල මුල් අකුර වෙන්න ඔනි..
1. 3 වෙනි ප්‍රශ්නයට පිළිතුර වශයෙන් පහළට යොදන වචනයේ මුල් අකුර,තෙවෙනි අකුර හා පස්වන අකුර පිළිවලින් 2,4,5 යන ප්‍රශ්න වලට පිළිතුරු වශයෙන් හරහට යොදන වචන වල අවසාන අකුර වෙන්න ඔනි..
ඔන්න වචන ටික.. මෙකෙන් 5ක් තොර ගන්න..
1.පිරිවිතර
2.සන්නයන
3.රන්තරුව
4.නවනළුවා
5.පිළිසකර
6.සන්ධානය
7.විගමනය
8.නිරායාසය

වැරද්ද නිවැරදි කිරිම...4 වන ප්‍රශ්නයේ එක් වචනයක් මා අතින් සටහන් වි නොමැත..
එහි 8 වන වචනය පිළිවිසන විය යුතුය.

පළවෙනි දවස නේ.ටිකක් ලෙසි වෙයි.තව හොද හොද ප්‍රශ්න තියෙනවා.ඉදිරියේදි බලාපොරොත්තු වන්න.දැන් ඉතින් නෑ....බෑ කියන්නේ නැතුව පුළුවන් ටිකට හරි උත්තර දිලා යන්නකෝ යාළු.. 

පිලිතුරු..(පහුවුණාට සමාවන සෙක්වා.. :))

ප්‍රශ්න අංක 1
පිලිතුර 5 යි (සියලු දෙනාම නිවැරදි පිළිතුර ප්‍රකාශ කර ඇති බැවින් ව්ස්තර කිරිම අනවශ්‍ය යැයි සිතිමි. සැ.යු-අවශ්‍ය වේ නම් කියන්න.)


ප්‍රශ්න අංක 2 

පිලිතුර A=3, B=7, C=8, D=1 

 
ප්‍රශ්න අංක 3
පිලිතුර x=10, Y=14, Z=17

 ප්‍රශ්න අංක 4
පිලිතුර (වරදවා ඇත්තේ මාය. සියල්ලන්ටම ලකුණු ලැබේ. :O සතු‍ටුයි නේ. :/ එකනේ... :/ ඉතින් ඔය.. :/ රවාගෙන ඉන්නේ නැතුව දැන් ඩිංගිත්තක් හිනා වෙන්න.. :) :D ) පහත සදහන් ලෙස නිවැරදි වෙන්න ඔනි..

දෙවැනි රාජසිංහ රස කතා

Tuesday, June 28, 2011
රාසිං දෙවියන් එහෙමත් නැත්නම් දෙවන රාජසිංහ රජතුමා කියන්නෙ ලියනවනම් මේ ‍බ්ලොග් එකම පිරෙන්න ලියන්න තරම් රස කතා ගොඩක කතා නායකයෙක්.විශේෂයෙන්ම කියන්න ඕනෙ මට මුලින්ම මේ ‍බ්ලොග් එකේ රාජසිංහ රජතුමා ගැන ලියන්න හේතුව තුන්පත් රටා බ්ලොග් එකේ තිබිල මේ ලගදි කියවපු මෙන්න මේ ලිපි

රාසිං දෙවියන් එහෙමත් නැත්නම් දෙවන රාජසිංහ රජතුමා බොහොම දක්‍ෂයි හිටිවන කවි කියන්න.රජතුමා වටා ගෙතුනු කවි වගේම ඒවයේ පසුබිම් කතාත් බොහොම රසවත්.සාමාන්‍ය ඇදුමින් සැරසී රට වටා සැරිසරපු එක රාජසිංහ රජතුමාගෙ සිරිතක්. දවසක් ඔය විදිහට රහසින් යද්දි පැල් රකිමින් සිටි ලස්සන තරුණියක් දැකල  පොඩි හිතක් පහල වුණු රාජසිංහ රජ්ජුරුවෝ මේ තරුණියට  නොපෙනෙන්නට සැගවීලා  හිටිවන කවියක් කිව්වලු.

දිලිසෙන සිසි නමල් මුවනෙක පෑ      සොබන
සොබන දෙපියයුරු වසමින් සළු            පටින
පටින් සමන් වරලස බැඳ බැඳ                යටින
සිටින මෙනුඹ කාරණා කිම ලඳ             ඔතන

මේක අහගෙ හිටපු අර තරුණිය දැක්කෙවත් නැති රජතුමාට ඇහෙන්න පිළිතුරු කවියක් කිව්වලු මෙන්න මෙහෙම. මේකනම් ගොඩක් අය අහල ඇති.

ලස්සන හිමවතේ මා වී                පැසෙන්නේ
දුක්දෙන අලි ඇතුන් පන්නා              දමන්නේ
රැක්මෙන දෙවියන්නේ වෙල බත්      බුදින්නේ
දුප්පත්කම නිසයි මම පැල්              රකින්නේ

මේක අහපු රාජසිංහ රජතුමා සතුටට පත් වෙලා හැංගිලා හිටි තැනින් එලියට ඇවිත්.මේ හැංගිලා කවි කිව්වෙ රාජසිංහ රජ්ජුරැවන් බව දැක්ක මේ තරුණිය බයවෙලා පැලත් දාල දුවන්න ගත්තලු. රජතුමත් පරාදවෙන්න කැමති නැති නිසා තව කවියක් කිව්වලු.

විකලා මරණ සිහ රජෙකුත් නොවී           නම්
විදලා මරණ වැදි රජෙකුත් නොවී            නම්
ඇනලා මරණ කුළු මීමකු නොවී              නම්
දුවලා වෙහෙස නොගනින් ලඳ බියේ       නම්


රජතුමාට බයවෙලා පැනල දුවපු මේ තරුණිය දුවන එක නතර කරල රජතුමාට මෙහෙම කිව්වලු.

රෑන පිට රෑන තුඩ රෑන ගීය               න්
අල්ලා අතට දුන්නත් අතට ඊය         න්
බළලුන් දුටුවාම බිය නැද්ද මීය        න්
දුටුවාම බිය නැද්ද රාසිං දෙවිය        න්

රජතුමා පස්සෙ දවසක මේ තරුණිය හොයාගෙන හිටිවන කවි කීමෙ දක්ෂතාවයට සම්මාන වශයෙන් දෙවියන්ගේ වෙල නින්දගම් කරල ඇයට පැවරුවයි කියලයි පත පොතේ සඳහන් වෙන්නෙ.


රාජසිංහ රජතුමා ගැන තව කතා තියෙනව.ඒව ඊලග පෝස්ට් එකෙන්.පිංතුරය wikipedia. comment එකක් දාල යන්න අමතක කරන්නත් එපා.

♥ මගේ ආදරේ - 01♥


" අහන් ඉන්න...... අහගෙන ඉන්න ...... මගේ හිත මොනවද..... මුමුනනවා...."

"හෙලෝ මේ ඈංගල් කානුද?"


"ඔව් කවුද මේ"


"අඳුර ගන්න බැරිද කවුද කියලා"


"ම්හු බෑ කවුද කියන්නකෝ"


"මම මේ පිස්සු කෝච්චියක් දැන් අඳුරනවාද? "


"ඔව් ඔව් අඳුරන්න පුලුවන් මොකෝ කතා කලේ "


"ටිකට් පොත් 2ක්නම් දෙන්න නෑ එක ටිකට් පොතක් දෙන්නම් *** අයියා ගාව තියෙන්නේ එක ටිකට් පොත් 2මයි කිව්වා අනිත් එක මට ඕනි"


"හා කමක් නෑ එහෙනම් ඒක දෙන්නකො"


" හරි එහෙනම් මම හෙට හවසට ගෙනත් දෙන්නම්"


" තෑන්ක්ස් එහෙනම් මම තියන්නම් බායි "


" බායි "



මීට මාස එකහමාරකට කලින් මේ ආව කෝල් එක නිසා මගේ ජීවිතේ මෙච්චර වෙනස් වෙයි කියලා මම හිතුවේ නෑ. ........



ම්ම්ම්ම්ම්ම්ම්ම් මාව සම්පූර්නෙන්ම වෙනස් කරපු ඔයාට මම හැමදාම ආදරෙයි මගේ පිස්සු කෝච්චියේ........

මෙලෝ රහක් නෑ 3 එක නැට්ටෙ ලබු



                                තද කරල උඩ ඇන්දෙ දාගෙන
                                පැද්දි පැද්දී තියෙන ලස්සන
                                හැට්ටෙ අස්සේ වගේ රුවාගෙන
                                එක නැට්ටෙ ලබු මයි මතක් උන

                                පාරෙ යන උන් කෙල පෙරාගෙන
                                පොටෝ අරගති කට අයාගෙන
                                ගෙදර ගෙනගොස් දත විකාගෙන
                                සුද්ද කරවති පන දමාගෙන

සිතුවිලි පවුර වෙනුවෙන් බුවාගෙන් විහිලු කථාවක් (හිනා නොගියොත් වග කියනු නොලැබේ )

Monday, June 27, 2011
සිතුවිලි පවුරට මාවත් එකතු කරගැනීම සම්බන්ධයෙන් ස්තුතිවන්ත වෙන ගමන් , පලවෙනි ලිපිය එකතු කරන්නයි මේ සූදානම . 


මේක ගොඩක් කාලෙකට කලින් මගේ බ්ලොග් අඩවියේ පල කරපු කථාවක් (කිති කවාගත්තොත් හිනාත් යනව මයෙ හිතේ ) . ඒ කාලේ මගේ බ්ලොග් අඩවියට ආපු ගියපු අය ඉතාම අඩු නිසා මේ කථාව දකින්න ඇත්තේ බොහොම ටික දෙනෙක් . ඒ නිසා ඕං ආයෙමත් සැරයක් ඒ කථාව කියන්නයි හදන්නේ . එහෙනම් කට්ටිය කිති කවාගන්න එහෙම ලැසිති වෙලා.. (හෝව් හෝව් අනුන්ගේ පිටවල්  කහන්න නෙවෙයි තමන්ම කිති කවාගන්න කියල කිව්වේ) , හූ පාරක් එහෙම තියල , පැත්තකින් ඇන තියා ගත්ත නම් හොඳා

ඔන්න එකෝමත් එක රටක ( ලංකාව කියමුකො ) ඇට්ටර කොලුවෙක් හිටියා . මුගේ නම...( මම අහපු කථාවෙ නම් කොලුවට නමක් නැහැ නමුත් කෝකටත් අපි ඌට ඇම්ඩා කියල කියමුකො ) .ඔන්න ඇම්ඩා දවසක් විභාගයක් ලියන්නේයි කියල ගියා . ලංකාවෙ විභාග කියන්නේ ඉතින් ලමයි මරවන්න හදපුව නේ කොහොමත් ඇම්ඩා වගෙ අයට විභාග අමාරුයි .

ඔන්න දැන් විභාගය පටන් අරගෙන ටික වේලාවක් ගත උනා .ශාලාධිපතිතුමත් ලමයි දිහා කන්න වගේ බලාන ඉන්නව . ඇයි හත්දෙය්යනේ එකෙක් වත් කොපි කරොත් එහෙම කවද හරි සක්විති වගෙ ලෝක හොරෙක් වෙලා නෙව නවතින්නෙ . ඉතින් ශාලධිපතිතුමා ඔහොම alert  එකේ ඉන්නකොට දැක්ක ඇම්ඩ කොලයක් බලගෙන මොනවදෝ ලියනව . ශාලධිපතිට මල , ඒත් ඉස්කෝලෙදි වගෙ විභාග ශාලවෙදි කැගහල බනින්න බැනේ . එනිසා ටිකක් වෙලා ඇම්ඩා දිහාම බලාන හිටියා. එතකොටවත් වැඩේ නතර වෙයි ද බලන්න . කොහෙද ඇම්ඩට ගානේ ගානක් නැහැ, හිටු කියල ලියනව. සැරින් සැරේ ඔලුව උස්සල බලනව අයෙත් ලියනව  . ඒ පාර නම් ශාලධිපති තුමගේ මල්වඩමම පැන්න . ගියා ඇම්ඩ ලඟට .ගිහින් හෙමීට උගුර පොඩ්ඩක් පැදුවා .


 "අම්මට උඩු ශාලධිපතිය ලඟ " ඇම්ඩා කලබල වෙලා බල බල හිටපු කොලේ පොඩි කරල බිමිට දැම්ම .ශාලධිපතිතුමත් ඇම්ඩට ඇඟ සලිත වෙන සයිස් එකේ බැල්මක් දාල බිම වැටිලා තිබුන කොලේ අරගේන බැලුව .

ඒකේ ලියල තියනවලු " සර් රැවටුනා නේද ? " කියලා  

ශාලාධිපතිට  කලිසම බිම වැටුණ ගානට ලැජ්ජයි ලු , සිද්ධිය දැක්ක වටේ පිටෙ ඉන්න උන් කින්ඩියට හිනාවකුත් දැම්මලු , ඒත් මොනව කරන්නද . බිම බලාගෙන තමන්ගේ පුටුවට ගිහින් ලමයි උත්තර ලියන දිහා බලාන ඉන්නවලු .හැබැයි ඇම්ඩ ඉන්න පැත්ත බලන්නේවත් නැතුව.

 ඔහොම ටික වෙලාව්ක් ගත උනා ශාලාධිපති අංකල්ට අයෙත් නිකන් කැහිල්ල වගේලු ඇම්ඩා මොනව කරනවද කියල බලන්නේ නැතුව . ( අපේ රටෙ උන්ට කොහොමත් ලැජ්ජාව කියල නාමයක් නැහැනේ එකම දේට  දෙතුන් සැරේ චාටර් වෙන්වනෙ )
ඒ නිසා ශේප් එකේ ඇම්ඩා ඒ පාරත් මොනවදො ලියනවලු කොලයක් බලාගෙන . මේ පාර නම් ඇත්තටම කොපි කරනව වගේමලු ටිකක් ලියනවලු කවුරු හරි දකීවිද කියල වට පිට බලනවලු අයෙමත් ලියනවලු 

" මූ හදන්නෙ මාව ගොනාට අන්දලා කොපි කරන්න"  තමයි කියල හිතපු ශාලාධිපති ගොන්පොර තරඟයක කුලු හරෙකෙක් වගෙ පිඹගෙනම ගියා ඇම්ඩා ලඟට . ශාලාධිපති වේගයෙන් ලඟට එනව දැක්ක ඇම්ඩා දඩිබිඩි ගාල ලිය ලිය හිටපු කොලෙයි බල හිටපු කොලෙයි  කොල ටික අස්සේ ගහගත්ත . හැබැයි හදිසිය නිසා ලිය ලිය හිටපු කොලෙ කොනක් එලියෙ .
 ඇම්ඩ ලඟට අපු ශාලධිපතිත් " හිතුව මදි 'කලවැද්දා' තෝ මාව තම්බන්න " ( ශාලාධිපති අංකල් 'ෆොන්සේකා' පාක්ෂිකයෙක් ද කොහෙද ) කියලා සද්දයක් එහෙම දාල අර එලිය පෙන්න තිබුනු කොනෙන් ඇම්ඩ ලිය ලිය හිටපු කොලය එලිය ඇදල බැලුවා
ඒකෙ ලියල තියනව " සර් අයෙමත් රැවටුණා නේද ?" කියලා



ඔන්න කථාව .  දැන් ඉතින් කට්ටිය කිති කවාගෙන එහෙම හිනාවෙල හිතෙන දෙයක් ලියල හරි , නැත්නම් පහල තියන "නියම්යි, හොඳයි,වැඩක් නැ " තැනට මනාපයක් පල කරල හරි යමුකො නේ ? 


ආ.. මේක මගේ නිර්මානයක් නම් නෙවෙයි . මමත් කෙනෙක්ගෙන් අහගත්ත එකක් ! 

දවල් දුටු සිහිනය!!!!!

ගෙදර ඉස්සරහාම  ලොකු සුදු කොඩියක්... ඇයි මේ???  අනේ මංදා... හ්ම්ම්ම්... වෙනදට උවමනාවත විතරක් අපේ ගෙදරට එන අය අද මේ මොකද ගේට්ටුව ඉස්සරහම ලොකු කතාවක? අහන්නත් බෑ. අනේ මංදා. අනේ මෙන්න වැඩක්, මගේ යාලුවො ඔක්කොම ඇවිත්.. අවුරුදු ගානකින් කට්ටිය ඔක්කොම අපේ ගෙදර ඇවිත්, සමහර අය මගේ මූනවත් බලන් නැති අය. ඇයි මේ?? ආහ්, මේ මොකද?? මගේ ලගටම ඇවිත් මාව දැක්කෙ නෑ වගෙ හැරිලා ගියා අර පිස්සා.මෙන්න බොලේ වැස්සකට වත් අපේ ගෙදර ආපු නැති එකෙකුත් ඇවිත් ගාලු සෙනග ඔක්කොම ඇවිත්. මොකක් හරි අවුලක් වෙලා.


ගේට්ටුවෙන් ඇතුලට යනකොටම දිගටම ලස්සනට ගොක් කොල සැරසිලි කරලා.හ්ම්ම්ම්ම්.. දානෙකට පිරිතකට අපේ ගෙදර අය අත දිගෑරලා වියදන් කරාට, දෙයියනේ මේ තරන්??? හ්ම්ම්ම්ම්... බය හිතෙනවා. මළ ගෙදරක්, මට දැනෙනවා.. වෙලා තියෙන්නෙ හොද දෙයක් නෙවී. ඒත් කවුද මැරිලා ඉන්නෙ?? හිත ගැස්සෙනවා. 
අක්කි?? අක්කිත් හදිස්සියෙම ඇවිත්, මං දන්නෙත් නෑ. හැමෝම ඇවිත්ද? ඇයි කවුරුත් මට මුකුත් කියන්නෙ නැත්තෙ. හැමෝම අහක බලාගෙන යනවා. මාව ගනන් ගන්නෙවත් නෑ.. කවුද දෙයියනේ මැරුනේ?? අනේ මට කියන්න??


හැමෝම ඇවිත්, දානෙකට මගුලකට විතරක් එකතු වෙන අය හැමොම ඇවිත්. චූටි කෙල්ල ඇවිදිනවා. අනේ ආසාවෙ බෑ, දුවලා ගිහින් වඩා ගන්න හිතෙනවා, ඒත් ඊට වඩා හිත ගැහෙනවා. කවුද දෙයියනේ මැරුනෙ?? මට කියන්නකො??? කවුරුත් ඇයි මාව ගනන් ගන්නෙ ඇත්තෙ??හ්ම්ම්ම්ම්... මොකක් හරි ප්‍රශ්නයක්, තේරෙන්නෙ නෑ ඔලුව අවුල් වෙනවා. 


ගේ ඇතුලෙත් ඔක්කොම අස් කරලා, වෙනදට සාලෙ පිරෙන්න තියන මේස පුටු අද එකක් වත් නෑ..හැම දේම වෙනස් වෙලා... හ්ම්ම්ම්ම්... අම්ම කෝ??? ගිහින් බලන්න ඕන කාමරේට. අනේ ඇයි මේ අම්ම අඩන්නෙ?? අක්කා, අක්කි, ඇන්ටි ඔක්කොමලා ඇයි මේ අඩන්නෙ?? අහ්, වෙලාව රෑ 7යි. "ඔන්න දැන් ගේනවලු" කවුදෝ ඇවිත් කියුවා. කාගෙන් අහන්නද මං???අනෙ මංදා. මේ ලෝකෙ මං ආසම නැති දේ, අම්මා අඩන එක, ඒත් දෛයනෙ අද මට ඇඩෙන්නෙ නැත්තෙ ඇයි??? හ්ම්ම්ම්ම්... ඔන්න ආවා වාහන පේලියක්. මට මේක බලාගන්නකන් ඉන්න වෙනවා.කවුරුත් මට කියන්නෙ නෑ ඒ කියන්නෙ? හරි බලමුකො.. එයාලට කොඉ වෙලෙ හරි මට කියන්නම වෙනව නෙ...




ලස්සන ලොකු ඇත් දල දෙකක් උස්සන් ඇවිත් තිව්වා. උඩුවියන්, සාලෙ මැදින් තියලා,හැම දේම හරි ලොකූ කෑගැහිල්ලක් මැදින් ලස්සනට කැටයම් කරපු මිණි පෙට්ටියක් ගෙනත් තිව්වා. ලස්සනයි. අයියා, මේ තරන් අඩන්නෙ ඇයි??? පවුලෙ හැමොම මෙතන ඉන්නකොට් කවුද මේ මැරිලා ඉන්නෙ? හිතා ගන්නත් බෑ. 
හෙමීට හෙමීට ඒ පෙට්ටියෙ පලු 2 ඇරියා. දෙවියනෙ. 


ලස්සන සාරියක් ඇදන් එතන ඉන්නෙ මම නේද?????

(මගේ කලින් බ්ලොග් එකක දාපු පෝස්ට් එකක්. අද මෙ නික්මට වගෙ ඒකට ගියාම දැක්කෙ. මේක නිකන්ම නිකන් හිතුන දෙයක් විතරයි.. ඒ වෙලාවෙ මගේ හිතේ මොනව තිබුනද කියලා නං අද මතකයි නෑ. ඒ තරන් ගොඩක් පරණයිද කොහෙදෝ මේක. අනේ මංදා.)

වැලන්ටයින්

කුමාරයගේ
කුණාටුවෙන්
කුළුදුල්
කුසුම
කුඩා
කුටියක
කුණුමුල්ලට

චතූ ඔයාටයි මේ

"චතූ අද ඔයාට පුලුවන් නම් ඉක්මනට ගෙදර එන්නකෝ."
බලමු හිමාලි.මම දැන් meeting එකක ඉන්නෙ.එහෙනම් මම තියන්නම්.මාව තේරුම් ගන්න ළමයො.චතුරoග එහෙම කිව්වෙ හිමාලි කතාකරන්නෙ දුකෙන් බව එයාට තේරුන නිසා.

"හුගක් මහන්සියි හිමාලි."චතුරoග ගෙට ගොඩවැදුනෙ එහෙම කියාගෙන.
ඔයා එහෙනම් නාගෙන එන්නකො චතූ.මම තේ හදන් එන්නම්කො.ඔයා ආස කරන කෑමක් මම අද හැදුවා.කියන්නත් දෙයක් තියෙනවා චතූ සතුටු හිතෙන ආරන්චියක්.හිමාලි එහෙම කියාගෙන කුස්සියට ගියා තේ හදන්න.

"ඔයා නාගෙන ආවද චතූ?ආ..චතූ තේ.මම අද චොකලට් කේක් හැදුවා.ඔයා ආසයි නෙ.
චතු අද වගේ ටිකක් කලින් එන්නකො ඔයාට පුලුවන් හැමදාම.දවල් දවසෙම මම තනියමනෙ.මටත් පාළුයි නෙ චතූ."
හිමාලි දවස් ගානක් හිතේ තද කරන් හිටපු වේදනාව එහෙම කියුවෙ ඉස්සර වගේම චතූත් එක්ක හුරතල් වෙන්න තිබුන ආසාවට.

"ඔයාට තේරෙන්න නෑ හිමාලි බිස්නස් වැඩ ගැන.මම මේ මහන්සි වෙන්න බිස්නස් එක දියුණු කරගන්න.ගෙදරට වෙලා හිටියම කොහොමද සල්ලි හම්බකරන්නෙ."

ඔයා උදේ ඉදන් හවස් වෙනකම් office එකේ.රෑට ගෙදර ආවමත් ෆයිල් ගොඩක් බදාගෙන.නිදහසේ කතාකරන්න වත් වෙලාවක් නෑනේ චතු.ඒ නිසා මගේ හොද මහත්තයා වගේ office එකේ වැඩ office එකේ තියල ඉස්සර හිටපු චතූ වගේ සැහැල්ලුවෙන් ගෙදර එන්න.please.


"හ්ම්ම්..බලමු."චතුරoග එහෙම කියුවෙ ෆයිල් ගොඩක් අතරෙ නෙත් යොමන ගමන්.චතුරoග හිමාලිට ආදරේ නැතුව නෙවෙයි ඒත් හිමාලිට දැනෙන්නෙ චතූ ගොඩක් ඈත් වෙලා කියලා.
හිමාලි කවුළුව අතරින් අහස දිහා බලන් හීල්ලුවා.

"ආදරේ කරපු කාලෙදි මම පුන්චි දේකට දුකෙන් හිටියත් මගේ පුන්චි වෙනසක් උනත් ඔයාට තේරෙනවා.ඒත් දැන්??මම දන්නවා ඔයා මට ආදරේ බව ගොඩා..ක්.ඒත් චතූ ඉස්සර හිටිය වගේ වෙන්න.ජීවත් වෙන්න සල්ලි ඕන තමයි.ඒත්  ඊට වඩා අපේ සතුට වටිනවා නේද?



තුන් තිස් පැයක්
නිදිවරාන වෙහෙසිලා
මම ලිව්වා
නුඹේ නමින්
පද වැලක්

බලා උන්නා
නුඹ එන තුරා
නුඹේ සිත් අහසේ
මගේ නමින්
ගෙත්තම් කරන්න
ඒ සුපෙම් සිහිනය

පාරමී පුරපු
අපේ සිහිනය
හැබෑ වෙන්නයි හදන්නෙ

ඒත්
නුඹට වෙලා නෑලු
ඒ සිහින පද වැල
අහන් ඉන්න
 මේක මම මගේ බ්ලොග් එකේ පළ කරපු පෝස්ට් එකක්.සිතුවිලි පවුරෙ පළ කරන්න හිතුනෙ නොදෑකපු අයට බලාගන්න.

කාගෙද වරද

මේ දවස් කිහිපයේම බ්ලොග් කියවනකොට කියවන්න ලැබුනෙම බස් කතන්දරමයි. මේකත් මේ මගී ප්‍රවාහන බස් රථ සම්බන්ධ කතාවක්. මේ පොස්ට් එක ලියන්න හිතුනේ  නම් අපේ මදුරංග අය්යා ලියපු කොන්දොස්තර මහත්තයෙක් කියන පොස්ට් එක කියෙව්වට පස්සේ.

මම හැමදාම මෙට්‍රෝ එක බලා එන්නේ ගාලු පාරේන්, ගොඩක් වෙලාවට ඉතින් භාවිතා කරන්නේ ප්‍රයිවට් බස් එකක්ම තමා.මොකෝ ඉතින් ලංගම බස් එකක් බෙහෙතකටවත් හොයා ගන්න තියෙන එකක්යැ. ජාතියේ ගමන් සගයෝ ගොඩක් අන්තිමට දැක්කේ නම් මේ ලගකදී තිබ්බ බස් වර්ජනය වෙලාවේ.

මේ මොන බස් එකේ ආවත් දෙහිවල ගුවන් පාලම පහු කරන්න ඕනනේ.මම මේ කියන්න හදන අත්දැකීම නම් ගොඩක් අයට ඇති.දෙහිවල වර්ණ සලකුණ ළග බස් රථය නතර කරාම ගොඩක් අය කරන දේ තමයි ටක් ගාලා බස් එකෙන් බහින එක.හැබැයි ඒ වෙලාවෙම බස් එක ඉදිරියට ගත්තොත් මොකද වෙන්නේ ?. බොහෝ වෙලාවට ඉතින් වටිනා ජිවිතයක් නැති වෙනවා. දෙහිවල විලියම් මංසන්දිය , ගල්කිස්ස මංසන්දියේ එහෙම මෙවන්‌ සිදුවීම් නිතරම බලා ගන්න පුළුවන්. එක දවසක් ගල්කිස්සේදී කාන්තාවක් මේ වගේ බහින්න ගිහින් බසයෙන් වැටුනා.ඇගේ ජීවිතයට අනතුරක් උනේ නැත්තේ නම් පෙර පිනකින් වෙන්න ඕන.

කතාවේ හොදම දේ වෙන්නේ ඊට පස්සෙ. බස් එකකින් අර විදියට කවුරුහරි වැටුනොත් ඒ අවට වටා පිටාවේ ඉන්න මිනිස්සුයි , බස් එකේ මින්ස්සුයි හැමෝම ඉස්සෙලාම කරන්නේ බස් එකේ කොන්දොස්තරටයි , රියදුරු ටයි පුළුවන් තරම් බනින එක. වැටිච්ච මනුස්සයාට ටිකක් බරපතලයි වගේ නම් ඉතින් කොන්දොස්තරටයි , රියදුරුටයි අතින් පයින් සංග්‍රහ කරන්නත් ඉතින් අමතක කරන්න නැහැ.කවදාවත් වරද කාගෙද කියලා හොයලා බලලා වැඩ කරන්නේ නැහැනේ අපේ අය.ඔය පහුගිය කාලේ සිදුවුන රිය අනතුරු වලදීත් බස් එක ගිනි තියලා රියදුරුට සංග්‍රහ කරලා ඉවරා වෙලානේ නඩුව අහන්න පටන් ගත්තේ.

මොනදේ උනත් ඉතින් ප්‍රයිවට් බස් රථ වලත් ඉතින් සේවය හොදයි කියන්න නම් බැහැ.මම ඉන්න තැන ඉදලා කොළඹට විනාඩ් 45 යන්න පුළුවන් ගමන අපරාදේ කියන්න බැහැ අනිත් බස් වලට වෙට්ටු දාලා, හැම බස් හෝල්ට් එකක්ම මගින් ඇතැත් නැතත් පරික්ෂා කරලා එනකොට පැයත් පැනලා.වෙන විකල්පයකුත් නැති එකේ අපි ට යන්න තියෙන්නෙත් ප්‍රයිවට් බස් විතරනේ.ඒ අයත් ඉතින් අපිට කරන්නේ සේවයක් නේ(ද).

බස් කතාව ඔයින් ඉවරයි.ඉදිරියේදී ඇතිවෙනවා කියන අලුත් ශ්‍රී ලංකාවේ වත් මේ වගේ අප්සට් දේවල් නොවේවායි ඉත සිතින් ප්‍රර්ථනා කරනවා.

සිතුවිලි පවුර සරසමු සැම සනසමින

කාලය හිඟයි වැඩ වැඩි වුණ නිසාවෙන
ආලය ලියන්නයි කවි පද හැකි පමණ
ලද ඉඩ ලියන්නට මෙහි දැන් හිතට ගෙන
සිතුවිලි පවුර සරසමු සැම සනසමින

මම තව බ්ලොග් තුනක් ලියනවා මගෙම කියා
එනමුත් තවම නෑ හවුලේ කිසිත් ලියා
ආසයි ලියන්නට දුක සැප සමව තියා
බෙදලා හදලා ලියමුකො සිත සතුට තියා

නිසඳැස් ලියන්නට පුළුවන් කමක් ඇත
එනමුත් සඳැසටයි තවමත් වැඩිය හිත
අරුතෙන් පිරුණු දේ ලියනට යොමා සිත
කළ හැකි යමක් බැලුවොත් සිත සතුටු වෙත

ආසයි අඳුනගන්නට හැම දෙනා හොඳින්
හැකි හැම විටක සිත සතුටින් සිනාසෙමින්
ජීවිත සටන ගෙන යන ධර්මයෙන් සෙමෙන්
අප හට හැකි වේවි සරසනු පවුර ඉතින්


පසුව ලියන වග නම්;

මා බ්ලොග් ලිපි ලියන්නට පටන් ගත්තේ මීට වසර එක හමාරකට පමණ පෙරාතුවය. එහෙත් ඒ වන විට බ්ලොග් පිළිබඳ මට තිබූ දැනුම ඉතා අල්ප විය. එහෙත් කල් යත්ම බ්ලොග් අවකාශය යනු අපූරු කලාවන්ගෙන් පිරුණු සුන්දර පාරාදීසයක් බව මට පසක් විය. එහෙත් මා තවම බ්ලොග් ලිපි ලිවීමේ කෙල පැමිණියෙක් නොවෙමි. ප්‍රකාශණ විධි අතර ප්‍රබලතම ප්‍රකාශණ විධියක් වන සඳැස් කවිය මගේ ප්‍රියතම ප්‍රකාශණ විධියයි. එහෙත් නිසැඳසටද මම ඇලුම් කරමි. මාගේ බ්ලොගයන් වන හද පතුල හා පෙම් පෙත යන බ්ලොග් වල ලිපි බොහොමයක මේ අයුරින් ලියූ පද්‍ය ඇතුලත් කර ඇත. මා මෑතකදී ලියන්නට පටන් ගත් නිදුක් බ්ලොග් එක තුලින් බුදු දහම තුලින් යහපත් ජීවිතයක් ගත කිරීම ගැන කතා කරමි.

මෙසේ බ්ලොග් අවකාශයේ කතුවරයෙකු ලෙස කටයුතු කළද, සාමූහික බ්ලොගයක කතෲත්වයක් මට ලැබුණේ සිතුවිලි පවුර තුලිනි. මෙහිදී  මේ බ්ලොගයට නවකයෙකු ලෙස මට බොහෝ දේ ඉගෙන ගන්නට තිබෙනු ඇත. බොහෝ දේ බෙදා ගන්නට තිබෙනු ඇත. අප බ්ලොග් කරුවන් ලෙසට ඉදිරියට ගෙන යන්නේ අප ලියූ දෑ කියවන්නෝය. ඒ නිසා ලිපියට කමෙන්ටුවක් දැමීම අගේ කොට සලකමි.

ඉතිං ආයුබෝවන්!

Luv ka The End - චිත්‍රපටයේ විචාරය

මේ සිතුවිලි පවුරට "බොලිවුඩ් සිංහලෙන්" ඉදිරිපත් කරන පලමු ලිපිය . අපේ බ්ලොග් අඩවියේදී ඉදිරිපත් කරන ලිපි අතරින් අපේම නිර්මාණයක්ය කියන්න පුලුවන් සහ වඩාත් වැදගත්ම ලිපි කොඨ්ඨාශය තමයි චිත්‍රපට විචාර .  ඒ අතරිනුත් ලංකාවේ බොලිවුඩ් රසිකයින් කැමතිවේය කියල හිතන චිත්‍රපටි ගැන විචාර විතරක් , ඒ කියන්නෙ හොඳම චිත්‍රපට ගැන විචාර පමනක්  සිතුවිලි පවුරට එකතු කරන්නයි අපේ බලාපොරොත්තුව . ඒ අතරේදි බොලිවුඩය සම්බඳ වැදගත් තොරතුරක (ඕපදූප එහෙම නෙවෙයි ) තිබුනොත් ඒ ගැනත් මෙතනට සටහනක් එකතු කරන්න පුලුවන් . මුල්ම ලිපිය විදිහට මීට ටික දවසකට කලින් අපේ බ්ලොග් අඩවිය හර්හා හඳුන්වාදීපු චිත්‍රපටියක විචාරය අපි ඔබට ඉදිරිපත් කරනව . මේ චිත්‍රපටිය  ඇත්තෙන්ම ලස්සන නිර්මානයක්

අපේ කලින් ලිපිය නොබලපු අය වෙනුවෙනුයි මේ 
 ----------------------------------------------------------------------------------------------------
Luv ka The End චිත්‍රපටිය ගැන  අපි ඉදිරිපත් කරපු ලිපිය ගොඩ දෙනෙක්ගෙ අවධානයට ලක්වෙලා තිබුනා . ඒ වගේම චිත්‍රපටියේ ඡායාරූපත් සැහෙන පිරිසක් භාගත කරගෙන තිබුනා . අද ඉදිරිපත් කරන්නෙ චිත්‍රපටියෙ Review එක . කලින් ලිපිය කියෙව්වෙ නැත්නම් මෙතනින් ගිහින් කියවන්න . මූලික  තොරතුරු වගේම ඡායාරූප , ගීත එකතුව ආදියත් ඒ ලිපියෙම අන්තර්ගතයි

කථාව

රියා කියන්නෙ වයස 18ක් වෙච්ච තරුණියක් . ඇයගෙ පෙම්වතා වෙන්නේ හොරබඩු ජාවාරම් කාරයෙක්ගෙ පුතා වුන ලව් නන්දා . රියාගේ 18 වෙනි උපන් දිනය වෙනුවෙන් මේ දෙන්නා එකතු වෙලා එකට රාත්‍රිය ගත කරන්නයි සුදානම් වෙන්නේ . මේ අතරෙදී  මේ දෙන්නගෙම පාසල් මිතො දෙන්නෙක්ගෙ කතා බහකින් ලව් නන්දාගෙ වෙනත් සම්බන්ධයක් ගැන  රියාට සහ ඇගෙ මිතුරියන්ට දැන ගන්න ලැබෙනව . ඒ ගැන හොයන්න යත්දි මේ අයට තවත් ආරංචියක් දැනගන්න ලැබෙනව . ඒ ලව් නන්දා ඇතුලු කෝටිපති තරුණයින්  සහභාගි වන තරඟයක් ගැන . මේ තරඟයට අනුව තමන්ගෙ ජීවිතයට අදාලව සරාගී ක්‍රියාකාරකම් වල  විඩියෝ සහ ඡායාරූප අප්ලොඩ් කරන්න ඕනි . ඒ ඒ විඩියෝ වල ඡායාරූප වල තත්වය (කොයි තරම් දුරට ගිය සම්බන්දය්ක් ද ආදී ) අනුව ලකුණු ලැබෙනව . ලව් නන්දා මේවෙනකොට  ඒ ලකුණු සටහනෙ ඉහලින්ම ඉන්න බවත් රියාට දැනගන්න ලැබෙනව . එතකොට තමයි රියාට ලව් නන්දාගෙ හැබැ ස්වරුපය තේරූම් යන්නේ . තමා එක්ක රත්‍රිය ගත කරන්න සැලසුම් කලෙ ඇයි කියලත් , අර අනික් ගැන ලමෙක් ගැන ලැබුන ආරංචිය මොකක්ද කියලත් රියාට තේරුම් යනව .ලව් නන්දාගේ  වැඩ පිලිවෙල අසාර්ථක කරන්න රියාත් මිතුරියනුත් සැලසුම් කරනව ඊට පස්සෙ මොකද වෙන්නෙ ?   චිත්‍රපටිය බලලම දැනගමු නේ ?????

Editor's Comment |අපේ අදහස
  • මේ කතාවේ තේමාව බොලිවුඩයට ටිකක් විතර ආගන්තුකයි . ඒ නිසා අමුතුම ආකාරයේ රසවින්දනයක් බොලිවුඩ් රසිකයින්ට මේ හරහා ලබා ගන්න පුලුවන් . මේ කතාව පදනම් වෙන්නේ තනි දවසක සිදුවෙන සිදුවීම් පෙලක් එක්ක . ඒකත් චිත්‍රපටියට අමුතු රසයක් එකතු කරන්න හේතුවක්
  • මෙ චිත්‍රපටිය බොහොම සරල සිනමා නිර්මානයක් ඒ නිසා ගැඹුරු චරිත හෝ 100% තාත්වික සිදුවීම් නම් බලාපොරොත්තු වෙන්න බැ , ඒ  උනත් නිර්මානයට හෝ ප්‍රේක්ෂකයා ට අසාධාරණයක් වෙන විදිහෙ දේවල් නම් අන්තර්ගත වෙලා නැහැ 
  • හාස්‍යොත්පාදක චිත්‍රපටියක් විදිහටත් මේ චිත්‍රපටිය සැහෙන තරම් දුරට සාර්ථකයි කියන පුලුවන් .  චිත්‍රපටියෙ සංගීතයත් නිර්මානයට අනුකූලව ඉතාම අලංකාරයි . Luv ka the end , Tonight  කියන  ගිත දෙක   බටහිර සංගීත ශෛලීන්ට අනුගතව  ඉතාම ලස්සනට නිර්මානය වෙලා තියනව
  • චිත්‍රපටියෙ කථාව , දෙබස් , තිරරචනය , සංස්කරන ක්‍රම , සිනමාකරන ලක්ෂන සියල්ලම වේගවත් තාරුණ්‍යට ගැලපෙන්න තමයි නිර්මාන්ය වෙලා තියෙන්නෙ . ඒ හැම දෙයක්ම  නිර්මානයට අනුව හොඳ මට්ටමක පවතිනව
  • ප්‍රවීන බොලිවුඩ් නලු ශක්ති කපූර්ගෙ දියණිය ශාර්දා කපූර් තමයිප්‍රධාන චරිතය රඟ පාන්නෙ . ඇය වගේම අනිකුත් අයගෙත් රංගනය සැහෙන තරම් සාර්ථකයි . ඒ වගේම බොලිවුඩයට අලුතින් එක්වුන රූමත් රංගන ශිල්පිනියක් විදිහටත් ශාර්දා හඳුනවන්න පුලුවන් 
  • අමුතු තේමාවකින්  තාරුණ්‍යයේ රිද්මයට එකතු වෙන්න හැමෝටම මේ චිත්‍රපටිය බය නැතුව නිර්දේශ කරන්න පුලුවන්
Ratings

  • Direction - 3/5
  • Celebrities' Performance -3/5
  • Story - 3.75/5
  • Script - 3.75/5
  • Cinematography - 2.5/5
  • Music - 3.75/5
  • Choreography -2.75/5
  • Art Direction - 2.5/5
  • Action - N/A
  • Editing - 3/5
  • Special Effects - N/A 
  • OVERALL -3.5/5

නොහික්මුණු ආසාව......

මුලින්ම,
අසාවෙන් බලා ඉදියා,
ආවාම,
අසාවෙන් අතගැව,
පස්සේ,
එක එක කැටයම් කැපුවා,
දැන්,
දැන්නං....
මට එපා වෙලා,
හොදටම ඇති,

උබ මගේද ? මම උබේද ?


ඔව් ඇත්ත , අපි දෙන්න ෆැන්ටසියක වගේම හැදුවේ ෆැන්ටසියක් <
මතකද ඒ දවස වල උඹයි මමයි අත් අල්ලාගෙන පාරේ ගිය විදිය
කියල ඇහුවේ නැත්තේ උඹත් ඒ හේතුව දන්නා නිසා.
ආදරයක් නොදගෙන හිටි හිතට උඹ ආදරේ කලාද ???
නෑ.., උඹ මට කලේ ජිවිතයක් දෙන එක.,
ඒක තමයි ආදරේ කියල හිතා ගන්න බැරි උනේ මටද උබටද ?|
පන්ති නොගොහින් පන්ති ගිය දවස්
හ්ම්ම්.., ඒ මගේ ජිවිතේ සොදුරුම දවස්..
එත් ඇයි දැන් අපි නොදන්නවා වගේ නමට ආදරේ කරන්නේ ?
මගේ වැරැද්ද.., මම හිතුවේ එහෙමයි.
අපි රණ්ඩු වෙනකොට උබ වෙනද වගේ නෑ..,
බනින්නේ මොකක් හරි දෙයක් හිතේ හියාගෙන.,
ආදරයක් නැති වෙන මුල්ම දේ වෙනවා කියල දැනගෙනත් ඇයි මේ?
යාලුවෝ කිව්ව දේවල් ඇත්තද උබේ අතීතේ ගැන ..,
මම ඒවා උබේ ආදරේ නිසා අමතක කරපු ඒක වැරදි වගේ දැනෙන්නේ ඇයි මට ?
එත්..වෙන ආදරයන් ලැබෙද්දී මම උබ ගැන හිතන්නේ
මගේ අතින් උබට වරදක් වෙයි කියල,
එත් නැහැ.., දැන් උබ මගේ ජිවිතේ නැහැ..,
උබ තරම් කුහක කෙනෙක් මම දැකලම නැහැ
උබට ඕන දේ වින්ද , එත් මම තනි කළා.,
ගොඩක් දුර නෙමෙයිනේ ගියේ ..
අනේ..එන්න වස්තුව මම ලගට ආයත්..,
මම හැමදාමත් ඒ පොලව ගාවට ගිහින් උබත් එක්ක කතා කරාට
උබ කලින් වගේම මම කතා කරනකම් බලන ඉන්නව.
රතු රෝස මලට උබ ඉස්සර වගේම ආසයිද කියන්න ඊලග දවසේවත්
හැමදාම අතට මේ මල දීලා සිපගත්ත උබව
ආයමත් සිපගන්න මම බලන ඉන්නව.,
මේ රතු රෝස මල උබේ සොහොන උඩින් තියල..,

ස්වර්ගයට යන මාවතේ මල් පාවඩ අතුරන්නම් මා..



ආදරයේ මල් මාවත ඔස්සේ
ඔබ මා ගිය මග අද නිම වී ඇත
දෙවියන් වෙත යන පාර හොයාගෙන
පෙම්වත අද ඔබ මා හැර යනවද?

සිනහව ගිලිහුනු මගෙ මුව දැකලා
තැවෙන්නෙපා තව මං ගැන හිතලා
ආදරයේ මල් පාවඩ අතුරා
සකසන්නම් කුමරුනි මග සරසා...


ස්වර්ගයෙ දොරටුව නුඹට ඇරෙන දා
නෙතගින් ගිලිහුනු කඳුළැල් පිසදා
ආදරයේ මල් පාවඩ අකුලා
මම යන්නම් නිවනේ මග සොයලා...

තවන් Face Book ප්‍රේමයක් වැනි දෙයක් නිසා නිර්මාණය උන ගීතයක්..

Sunday, June 26, 2011
ෆේස් බුකියේ පුංචි පුංචි ලව් ස්ටෝරි ඕන තරම් තියනවනේ මේකත් ඉත්න් ඒ වගේ එකක් තමයි.. 




නීල නෙතු පියන්...

නීල නෙතු පියන් සෙමින් වැසේ
ආදර හැගුමන් වියැකි සිතේ
පෙරදින මතකය කැළඹි සිතේ
ඇය මගෙ දිවියෙන් නික්ම ගියේ

වෙබ් පිටුවේ ඇදි වදන් පෙලේ
සිත ඇදුනේ මගෙ නොසිතු ලෙසේ
ආදරයක් දෝ රැදුනෙ හදේ
සොයුරු පෙමක් දෝ නොදනි නගේ

දුටුවෙ නැතත් ඔබෙ රුව සැබැවින්
ඇදුනි සතේ ඔබෙ රුව සිහිනෙන්
නපුරු උනේ ඇයි නංගි මගේ
එපා වෙලොදෝ ඇසුර මගේ

පාලුව දැන් මගෙ සෙමින් මැකේ
ඔබේ වදන් දැන් අමතක වේ
එපා තවත් මට ඇසුර ඔබේ
යන්න ඔබෙන් කල් එළඹ තිබේ

නීල නෙතුපියන් සෙමින් වැසේ......//

මෙන්න ඕඩියෝ එක. මැද කෑල්ලක් අස් කරල ඇත්තේ ගනන් ගන්න එපා


මෙන්න මේක තමයි ඉතින් මට කියන්න තිබ්බ සිංදුව.. මේක ලියලා මියුසික් කරේ මම. මේක කිවුවේ මගේ හොදම යාලුවා අනුෂ්ක..
මෙන්න අපේ වෙබ් අඩවිය ගිහිල්ලම බලන්නකෝ...

කට්ටියට හිතෙන දේ පහලින් දාන්න අමතක කරන්න එපා..

සිතුවිලි පවුරට ජය..

සීගිරි කැටපත් පවුරේ
කුරු‍ටු ගී නොකළම හින්දා
ආවෙමි සිතුවිලි පවුරට
සිත්තම් දැකගන්ටා
තිබුණත් ඇරයුම් සැමටම
එක ලෙසිනා
පසුපස සිටියා මමත්
තවෙකුගේ මග
ඇහිරිය නොයුතු නිසා
නොවෙමි මම
බ්ලොග් කරුවෙකු
හැම දේ දන්නා
නැත කිසි බියක්
අත දෙන යහළුවෝ
මෙහි ඇති හන්දා
කළ ආරාධනයට
සැමටම තුති පුදලා
පැන්නෙමි මමත්
සිතුවිලි පවුරට
ජය නන්වා...!!!




                                                   

මුට්ටිය

සහෝදරහොරු
සහෝදරවරු
ගම් වදින්නට හදන අලි රැල
දෑත දිගු කර
දමන මුට්ටිය
වඩම්මවනා
අපේ ගරුතර
මහා හිමිවරු

සමතැන් ඉල්ලා බටහිර කතුන් සටන් වැදුනත් ආසියාතික කාන්තාවන් ජීවත්වන්නේ සම තැනටත් වඩා ඉහළ තැනකය

Saturday, June 25, 2011
සමතැන් ඉල්ලා බටහිර කතුන් සටන් වැදුනත් ආසියාතික කාන්තාවන් ජීවත්වන්නේ සම තැනටත් වඩා ඉහළ තැනකය. ඒ නිසි තැනයි. ගැහැණියටක පවූල තුළ සමාජය තුළ ලැබිය යූත්තේ සම තැන නොව නිසි තැනයි. කාන්තාවන් හා සමතැන් ලැබීමට පිරිමින්ට සූදුසූකම් නැත. සමාජයේ ආකල්ප හැඩගැසෙන්නේ ප්‍රධාන කොට පිරිමින් අතින් නොව ගැහැණූන් අතිනි. ඊට මූල පූරන්නේ ගෘහණියයි. මවයි. ගෙදරක බිරිඳකගෙන් හෝ මවකගෙන් ලබන ආදර කරුණාව ආත්මශක්තිය තුළින් පෝෂණය වන සැමියාත් දරුවනූත්, සමාජය වෙනස් කරති. සමාජයක ඉදිරි ගමන සිදුවිය යූත්තේ කවර දිශාවකටදැයි තීරණය කිරමේ බලය ගැහැණිය සතු බව කීවේ එබැවිනි.

ඔබ ලැප්ටොප් පරිගණකයක් ගන්න හිතන් ඉන්නවද?

ඔන්න සිතුවිලි පවුරේ පනස් වන පෝස්‍ටුව මගෙන්... ආරම්භ කර දින 12ක් ඇතුලත සිතුවිලි පවුරේ පෝස්‍ටු 50.. සෙල්ලන්ද කොල්ලෝ කිව්වලු.. ඔන්න ඉතින් මං හිතුවා 50 ගැන විතරක් ලියන් නැතුව සිතුවිලි පවුරේ ලියවෙන පනස්වෙනි පෝස්‍ටුවත් වැදගත් පෝස්‍ටුවක් කරන්න...


ලැප්ටොප් පරිගණක පෞද්ගලික පරිගණක යන කැටගරිය යටතේ හදුන්වා දුන් සංයුක්ත උපාංගයක්.. ඇත්තටම ඉස්සෙල්ලාම හදුන්වල දුන්න ජංගම පරිගණකය තමා ලැප්ටොප් කියන්නෙ. අද කාලයේ ලැප්ටොප් පරිගණකයක් ගන්න බොහෝදෙනෙක් උනන්දු වෙන්නෙ එය ඕනෑම තැනකදී පහසුවෙන් භාවිත කිරීමේ හැකියාව තිබෙන නිසා.

ඇස්

අසීමාන්තික තාපාoකයක් සතු
කාබන් බන්ධිත හදවත
ආවර්ත කාලයකටත් අඩුවෙන්
උත්ප්‍රේරක රහිතවම
විච්චේදනය කළ අපූරුව
මැඩියෙකුටත් වඩා පහසුවෙන්

නම් තැබීම

විලිරුදාවෙන් සසැලී
ගැබ්බරව තිබූ මගේ සිත
බිහි කලා ලදරුවෙක් 
ප්‍රේමය නැමති
ඒත් නුඹ 
බලා ඒ දෙස හො‍රැහින්
කිව්වා මට 
ප්‍රේමය නොවෙයි 
සුදුසුම නම,
රාගය,..

අමාවක අහස

Friday, June 24, 2011
නුඹ යන්න ගිහින්
මටත් නොකියාම
මගේ සිත් අහස
අද
අමාවකයි...

විශ්වයේ සම්භවය පිළිබඳව අල් කුර්ආනයෙන්


විශ්වයේ සම්භවය පිළිබඳව අල් කුර්ආනයෙන් 

නවීන අජටාකාශවිද්‍යාවෙහි නිරීක්‍ෂණ වලට හා න්‍යායයන්ට අනුව එක්තරා කාල වකවානුවකදී මුළු විශ්වයම එකම "දුමාරයක් " බව පැහැදිළිවම පෙන්නුම් කරයි. (එය විනිවිද නොපෙනෙන ඉතාමත් අධික ඝනත්වයෙන් යුත් උණුවූ වාතයෙන් සමන්විතය)1 මෙය නවීන අජටාකාශවිද්‍යාවෙහි පවතින මතභේදයට තුඩු නොදුන් මූලධර්මයන්ගෙන් එකකි. එම දුමාරයෙහි අවශේෂයන් මඟින් නව තාරුකා ඇතිවීම නිරීක්‍ෂණය කිරීමට විද්‍යාඥයන්ට වර්ථමානයේදී හැකිවී තිබෙයි. (1  හා 2  රූප සටහන් බලන්න) රාත්‍රි අහසේ අපට දක්නට ලැබෙන දීප්තිමත් තාරකා සියල්ලද විශ්වයෙහි පවතින අනෙකුත් සියළුම දේවල්ද එම "දුමාරයට  අයත්ව තිබුණි .

නිදුකින් ඔබ උන්නාවේ.........



නිදුකින්


 ඔබ 


උන්නාවේ.........


ඉර ගැස්සිලා ගැස්සිලා මුහුදේ ගිලිලා නොපෙනීම යන්න ගියා.මොහොතකට කලින් නේක වර්ණයෙන් පිරිලා තිබ්බ අහස කළුවර වෙලා.
හරියටම මගේ ලෝකේ වගේ.
මලිති යන්න ගියේ මගේ ආදරයත්,ඒ ආදරය වටා එක් වෙලා තිබුන බලාපොරොත්තු කන්දරාවත් හදවතෙන් ගලවලා දාලා.
පිරිමි අපට බලාපොරොත්තු බිඳිලා ගියාම හිත ආපහු යම් තරමකට හරි හදාගන්න කම් එක එක දේවල් වල පිහිට පතන්න වෙනවා.
 ඒත් ගැහැණුන්ට එහෙම නැහැ.ඒක ස්වභාවයෙන්ම ගැහැණුන්ට ලැබිලා තියන දායාදයක්.ඒකම තමයි එයාලා කෙනෙක්ගෙන් වෙන්වෙන්න පාවිච්චි කරන්නෙත්.
"අය්යෙ මලිති ඔයාට එන්න කියලා පණිවිඩයක් එවලා තිබුනා.හෙට හවසට...,තොටුපලට."
අපේ ආදරයට දර දිය අදින වරුණිකා නංගි ඇවිත් වට පිට බල බලා කිව්වෙ කවුරු හරි පේන්න ඉන්නවද කියලා වෙන්නැති.
"හෙට...?"

මගේ හිතේ ඇඳිලා ගියේ ප්‍රශ්ණාර්ථයක් .ඒක මුහුණෙනුත් පෙනෙන්න ඇති.
"ඇයි අය්යෙ..?
වරුණිත් නොදන්නවා වගේ අහන හැටි.ගෑණු ඔහොමම තමයි,දන්න දේත් නොදන්නවා වගේ ඉන්න දන්නෙම නෑනෙ.
"හෙටනෙ වරුණි මලිති ගෙ මස්සිනා එන්නෙ රට ඉඳන්,ඒ මනුස්සයා එන්නෙ එයාව කසාද බඳින්න බලාගන.කොහොමද මලිති හෙට එන්නෙ මාව මුන ගැහෙන්න..?"

"විහිලු නෙවෙයි අය්යෙ ඔයා මොකද ඉතින් කරන්නෙ?ඔයාට පුලුවන්ද එයා මලිතිව බැඳලා අරගන යනවා බලන් ඉන්න...?"
"තාම රස්සාවක් නැතුව ඉන්න මම කොහොමද නංගි මලිතිව ගෙනත් එයාගෙ අඩුපාඩු හොයලාවත් බලන්නෙ?බලමු ...!"

මම යත්දිත් මලිති ඇවිත්.
"ගොඩාක් වෙලාද ඇවිත් ඔයා?"
"නැහැ ..ටික වෙලාවයි..."
නිහඬ නිමේෂ දහයක් පහලවක් එක ලඟම ගත වෙලා ගියා.දෙන්නගෙන් කාටවත්ම කතා කරගන්න දෙයක් නැතුවද නැත්නම් විදියක් නැතුවද කියන එක උත්තර නැති ප්‍රශ්ණයක්.

"අපිට මොකද වෙන්නෙ මලිති?"
අන්තිමේ මම නිහඬතාවය බින්ඳා.
ලොකු කඳුලු බින්ඳු දෙකක් ඇස් වල පුරවා ගත්තු මලිති ඒවා වැටෙන්න කලින් මා දිහාට හරුනා.
"මට සමාවෙන්න අය්යෙ..!"
"අසීමාන්තිකව ඔයාට දෙන්න මා ගාව තියෙන්නෙත් එච්චරයි නංගි...!"
අඩි දෙක තුනක පරතරය පැය ගානක් අරගන ලං වෙච්චි මලිති නුහුරු කමකින් වගේ මගෙ අත අල්ල ගත්තා.

"නාස්ති වෙන්නෙ නැහැ කියලා පොරොන්දු වෙන්න...!"
කිසිම හැලහොල්මනකට පස්සෙ ගෙවිච්ච කල්පෙකට පස්සෙ මට කියාගන්න පුලුවන් උනේ මෙච්චරයි.
"ඔයා සතුටින් ඉන්න නංගි.."
ඉකිය වාවගන්න බැරිව මලිති දුවලා ගියා.පස්සෙන් වෙනදා වගේ දුවලා යන්න ඕන වුනත් මම ආයාසයෙන් කකුල් දෙක අත් දෙකින් අල්ලගන උන්නා.
හේතුවක් අරමුණක් නැතුව දවස් ගෙවුනා.
දවසක් වරුනිකා දුවගෙන ආවා ලොකූ කලබලයකින්.හරියට ලෝකෙ එයාගෙ ඔලුව උඩින් පෙරලෙන්න එනව වගේ.
"අය්යෙ මලිතිට ඔයාව වතාවක් බලාගන්න ඕනලු..!"
මට හිනා ආවා.
"නංගි මලිති බැඳලනෙ.මම ඔය අතරට තුන් වෙනියෙක් වෙන්නෑ..ඔයා ගිහින් මලිතිට ඒක කියන්න.."
"ඔයා ඇත්ත දන්නවා නම් ඔයකතාව කියන්නෙ නැහැ...!"
"මොකක්ද ඔය කියන භයානක ඇත්ත...?"
"මලිතිගෙ කිඩ්නි නරක් වෙලාලු...එයාට ගැලපෙන කිඩ්නි එකක් තාම හම්බවෙලා නැහැ...!"
පෘථිවියෙ භ්‍රමන වේගය එකපාරටම වැඩි වුනා වගේ මට දැණුනෙ.
"නංගි යන්න මම එන්නම්.....!"
මම ගියේ මලිතිට වෙදකම් කල වෛද්‍යවරයාව මුණගැහෙන්න.
"ඩොක්ටර් මට පුලුවන්ද අර වකුගඩුවක් ඕන කරන පේෂන්ට් ගෙ හස්බන්ඩ් ට කතාකරන්න.."
"පුලුවන්,ඒත් ඔයාගෙ කිඩ්නි එක ගැලපේවිද එයාට...?"
"අපි දෙන්නටම තියෙන්නෙ එකම බ්ලඩ් ගෲප් එක..!"
ඔහු මට පොරොන්දු වුනා කවමදාවත් මලිතිට කියන්නෙ නැහැ කියලා ,එයාට වකුගඩුව දීපු කෙනා ගැන.
සැත්කම සාර්තකව සිද්ධ වුනා.
මම රෝහලෙන් පිට වෙන්න කලින් නිදාඋන්නු මලිතිගෙ මුහුණ බලාගත්තා,ඒ අවසාන වතාවට කියලා මගේ හිතටම මම අවධාරනය කලා.
දැන් දවස් කීපයක ඉඳන් මලිති මගේ ජංගම දුරකතනයට ඇමතුම් ගන්නවා.එයාගෙ ස්වාමියා මට දීපු පොරොන්දුව කඩලා වගේ.
ආයෙත් වතාවක් දුරකතනය නාද වෙනවා.
'වෙන කරන්න දෙයක් නැහැ මලිති...සමාවෙන්න.'
සිම් පත දුරකතනයෙන් ගලවලා මුහුදට වීසි කල මම නැගිට්ටෙ හිත හදාගන.
'ආදරය වෙනුවෙන් කරන කැපකිරීම් වලට ස්තූති කිරීමක් වත්,අගය කිරීමක් වත් අවශ්‍ය නැහැ නංගි'
අපි ආයෙ මුණ ගැහෙන්නෑ.....!








මොකක්ද මේ දියවැඩියාව????

වචනයෙ පරිසමාප්ත අර්තය සැලකුවිට අපට දල අවබෝදයක් ලබාගන්න පුලුවන්.
ඒ "වැඩියෙන් ජලය යාම" එනම් මුත්‍රා යාම.

දියවැඩියාව ප්‍රදාන ආකාර 2ක් තියනවා!
1. සිරුරේ ADH හොර්මොනය අඩුවෙන් ස්‍රාවය වීම/සම්පුර්නයෙන්ම ස්‍රාවය නොවීම නිස ඇතිවන දියවැඩියාව (Diabetes Insipidus)

2. ඉන්සියුලින් ස්‍රවය නොවීම/අඩුවෙන් ස්‍රවය වීම නිස ඇතිවන දියවැඩියාව(Diabetes Mellitus)
අප එදිනෙදා දියවැඩියාව (සීනි)ලෙස හදූන්වනු ලබන්නේ ඉහත කි ඉන්සියුලින් නිසා ඇතිවන දියවැඩියාව තත්වයයි.

ඉන්සියුලින් ස්‍රවය නොවීම/අඩුවෙන් ස්‍රවය වීම නිස ඇතිවන දියවැඩියාව(Diabetes Mellitus)
අප කතා කරන්න බලාපොර්තු වන මෙ දියවැඩියා තත්වය වෛද්‍ය විද්්‍යනූකූලව වර්ග 2කට බෙදෙනවා.

1.Type 1: මෙය ඉන්සියුලින් නිෂ්පාදනය නොවීම නිස ඇතිවෙනවා(අග්නි්‍යාෂයේ ලැන්ගර්හෑන් දීපිකා වලින්)
2.Type 2:මෙය ඉන්සියුලින් වලට සෛල දක්වන සංවේදීතාව අඩු වීම නිසා ඇති වෙනවා



1.Type 1
මෙය බොහෝ විට උපතේ පටන් පැවත එන්නක් විය හැකි.මෙහිදී ඉන්සියුලින් නිපදවීම සිදුවන්නෙ නැහැ.
මාරාන්තික ලෙස සලකන්න පුලුවන්.මොවුන්ට කුඩා කල පටන් ඉන්සියුලින් කෘතිමව ලබාදිය යුතු අතර රුධිරයේ ග්ලුකෝස් සාන්ද්‍රනය පිලිබදව නිතරම සෙවිල්ලෙන් සිටිය යුතු වෙනව.


2.Type 2
මෙය සාමාන්යෙන් මැදිවිය එලැඹීමත් සමග ඇතිවන තත්ත්වයක්.පවුල් පසුබිම මෙන්ම ජීවන රටාවත් මෙම රෝගය සදහා බලපානවා.
අප බොහෝ දෙනෙක් අතර දක්නට ලැබෙන්නෙ මෙම තත්ත්වයයි.මෙය ඉහත කී ආකාරයෙන්ම මෙය ඉන්සියුලින් වලට සෛල දක්වන සංවේදීතාව අඩු වීම නිසා ඇති වෙනවා.
දිනපතා ප්‍රතිකාර ගැනීම මගින් හා ආහාර පාලනය මගින් මෙම තත්ත්වය පාලනය කරගන්න පුලුවන්.නමුත් සුවකල නොහැක්කක් ලෙස සලකන්න පුලුවන්.

දියවැඩියාවේ රෝග ලක්ෂණ මොනවද??
ඔබ පහත සදහන් තත්ත්වයන් අත්දකිනවා නම් එය දියවැඩියා රෝගය නිසා වියහැකි.
• නිතර නිතර මුත්රා පිට වීම
• අඨික පිපාසය
• රාත්රිිය කාලයේදී නිතර නිතර මුත්රා පිට වීම
• අසාමාන්්යස ලෙස මහන්සි ගතියක් දැනීම
• අසාමාන්්යස ලෙස බර අඩු වීම(කෙට්ටු වීම)
• දෑස් පෙනීමේ දුර්වලතා

මේ ලක්ෂන එකක් හො කිහිපයක් ඔබ අත් දකිනවානම්,අත්විදිනවානම් ඔබ මැදිවයසෙ හෝ ඔබේ පවුලෙ දියවැඩියා තත්වය තියනවා නම් රුඨිර පරීක්ෂනයක් කර ගෙනීම නුවණට හුරුයි.



දියවැඩියාව ඇතිවග තහවුරු කරගන්නේ කොහොමද?


එය සරල රුඨිර පරීක්ෂවකින් කරගන්න පුලුවන්.
ඔයාලා දන්නවා ඇති Glucometerඑක. එමගින් කෙරෙන්නේ රුඨිරයේ ග්ලුකෝස් සාන්ද්‍රනය මනින එක.(lab එකකින් බලාගන්න එක වඩා යොග්්‍යයි.)
අපි කිසිම සූදානමකින් තොරව අහම්බෙන් රුඨිරයේ ග්ලුකෝස් සාන්ද්‍රනය මැන බැලුවිට එය 200mg/dl (11.1 mmol/l)නම් හෝ ඊට වැඩි නම් එය දියවැඩියා තත්ත්වය
ඇති බව දක්වනවා.නමුත් දියවැඩියාව තහවුරු කර ගැනීමට පහත සදහන් පරීක්ෂනය සිදුකරනවා.

OGTT(Oral Glucose Tolerance Test)


දින 3ක් පමන රොගියාට තම සුපුරුදු ආහාර පාන අනුභව කරන්නට සලස්වන අතර දින 3 අවසානයෙදී රොගියාට කිසිම ආහාරයක් නොගෙන(තේ වත් නොගෙන)
පැය 8ක් 10ක් පමන රාත්‍රියේ සිට නිරාහාරව සිට පසුදා පැමිනෙන ලෙස දන්වනවා.
රොගියා පැමිනි පසු ඔහුගෙන් රුඨිර සාඅම්පලයක් ලබාගෙන පසුව,
ඔහුට ග්ලුකෝස් ග්‍රෑම් 75ක් වතුර 250ml පමන දියකර බොන්න සලස්වා පැය 2කට පසු නැවත රුඨිර සාම්පලයක් ලබා ගන්නවා(ඇතම් විට ආවස්ථා 2දීම මුත්‍රා සාම්පල්ද ලබා ගන්නවා.)



සාමාන්්‍ය නිරාහර රුඨිර ග්ලුකොස් සාන්ද්‍රනය 3.9-6.1 mmol/l
දියවැඩියා තත්ත්වයෙදි එය 7mmol/l දක්වා හො ඊට වඩා වෙවැඩි වෙනවා

2HAG(එනම් ග්ලුකොස් දීමෙන් පසු) සාමාන්ය රුඨිර ග්ලුකොස් සාන්ද්‍රනය 4.4-7.8mmol/l
දියවැඩියා තත්ත්වයෙදි එය 11.1mmol/l හෝ ඊට වඩා වැඩි වනවා.මෙමගින් දියවැඩියා තත්ත්වය හදුනාගන්න පුලුවන්.......

දියවැඩියාව silent killer කෙනෙක් .එම නිසා අවබෝදයෙන් හා අවදානයෙන් සිටීම වැදගත් කියා මා සිතනවා..
මෙම ලිපියෙන් දියවැඩියාව පිලිබදව හා එය හදුනා ගන්නා ආකාරය පිලිබද දල අවබෝදයක් ලැබෙන්න ඇතැයි සිතනවා

නංගි ඔ‍ටුවා ලියයි


මේ සිද්ධිය වෙනකාලේදි එයාට වයස 6ක් විතර ඇති. කොහොමහරි ඉස්කොළේ නිවාඩු කාලේ දවස් වල අපි ගියා අම්මලගේ ගමේ. නංගිත් ආවා එයාගේ නිවාඩු කලේ දීපු වැඩත් අරගෙන.
එහේ ගිහින් දවසකට විතර පස්සේ අම්මා කිවුවා නංගිට ඉස්කොළේ වැඩ ඉක්මනට ඉවර කරන්න කියලා. එතකොට ඇති තරම් සෙල්ලම් කරන්න පුලුවන් කියලා. මම ශිෂ්ශත්වේ ලියලා හිටිය හින්දා මට වැඩ නැහැ.

ටිකකට පස්සේ මෙයා කියනවා " ඔ " යන්නෙන් පටන් ගන්න වචන 10 ක් කියන්නලු. දැන් ඉතින් ආච්ච්යි, නැන්දලයි මෙයාට කියනවා එක එක එවා. මෙයත් ඉතින් ලියනවා.

ටිකකට පස්සේ අම්මට මතක් වුනා ඔ‍ටුවාව. අම්මාත් ඉතින් නංගිට කිවුවා.
දැන් නංගි කියනවා වචනේ වචනේ කඩලා කියන්නලු.
අම්මත් ඉතින්, "ඔ" , "ටු" , "වා" කියලා කිවුවා.

දැන් ඉතින් හරි වචන 10ම තියෙනවා නේ, :D
එත් ඉතින් අම්මා ඉල්ලගත්තා පොත බලන්න හරිද කියලා...........
මෙන්න බොලේ අපේ අම්මා හෙනට හිනා වෙනවා.................
පොත ගත්තමයි මටත් තෙරුනේ වැඩේ.
මෙන්න මෙහෙමයි නංගි ඔ‍ටුවා ලියලා තියෙන්නේ









ඔ2වා


කොහොමද නංගිගේ වැඩ :D :D

ගැහැණු ළමයිනේ
















ජීවිත කාලයක් පුරාවට
හසරැලින් මල් මැසූ ගවුම්පොඩි,
දඟ කතා ගොතා සැදු කළාලය,
අම්මගේ උණුහුමේ-
සුවඳ ගත් පොරෝණය,
කප කපා නෙත පිනූ පින්තූර
අලවලා නිම කෙරූ සිහින පොත,

ගෙන යන්න වෙන්නේ නැහැ..
ගැහැණු ළමයිනේ,
ඇඟිලි බැඳ රන් හුයෙන්
නික්ම යන හෙට දාට...

විසිරුණු . . .



විටෙක 
දැවී අවසන
දැල්වෙන එළි දිහා
ඇස් දල්වාන හිඳ
පවනට මුහුව
විසිරිලා යන
අළු බිඳක් 
. . . මම . . .

෴෴෴෴෴෴

නියම සිංහලයෙක්ද ? නියම ශ්‍රී ලාංකීක දමිල හිතවතෙක්ද ?

Thursday, June 23, 2011

උඹ නියම සිංහලෙක්ද ? උඹ නියම දෙමලෙක්ද ? එහෙනම් තවත් අත් දෙක බැඳගෙන කාලකන්නි වගේ ගිල ගිල ඉන්නේ නැතුව නැගිටපං. සුද්දා ඇවිත් උගේ පස්ස අපේ මූනේ අතුල්ලනකල් කට ඇරන් බලන් ඉන්නවද ? ඇඳුම් අඳින්නේ හෙලුව වහගන්නද ? නැත්නම් හැමෝම අඳින නිසාද ? නොදකිං… යකෝ එක එකාට තමන්ගේ කටට චූ කරන්න ඉඩ දෙන්න එපා. උඹලා මොන පක්ශෙට හුරේ දැම්මත් කමක් නෑ. තමන්ගේ රට ගැන කතා කරද්දි පක්ෂෙට හෙන ගැහුවත් රට වෙනුවෙන් වැඩ කරපල්ලා. පක්ෂ ඕන තරම් ආයේ හදන්න පුලුවන්. ඒත් රටක් නැති උනොත් නැති උනාමයි. මොකෝ පස් ගොඩ කරලා ආයේ වෙන තැනක එකක් හදාගන්නද ? ඔලුව තියන්නේ ඔන ඕවා කල්පනා කරන්න.
එහෙන් අර මූන් කාරයා මගුලක් හදාගෙන දඟලනවා. අපේ කාලකන්නිත් දෙපැත්තකට බෙදිලා ඒ වාර්තාවේ අරක හරි. මේක වැරදියි කිය කිය පක්ෂ වලට බෙදිලා පොරවල් වෙන්න දඟලනවා. මමත් දවසක් අහගෙන හිටියේ අලි පක්ෂේ ගම්පහ ඵැත්තට කිට්ටුවේ මන්ත්‍රී කෙනෙක් තවත් එතුමාගේ හිතවතෙක් එක්ක කතා කරනවා ඒ වාර්තාවේ අරව හරි මෙවා හරි කිය කිය. මමත් එතන එහා පුටුවේ ඒ කතාවට සම්බන්ධ වෙලා උන්නු නිසා මමත් බය නැතුව කියන්නේ. අර පොඩි පොඩි වැරදි නිසා උන් මූන් ට විරුද්ධව කතා කරන්නේ නැහැ ලු. ඔන්න අපේ රටේ සිංහල මිනිස්සු.
රටට මොන රෙද්ද උනත් කමක් නෑ. කොතනින් හරි තමන්ට වාසියක් වෙනවා නම් එච්චරයි. ඒ වාර්තාව ගැන කතා කරලා ඒකෙනුත් ආණ්ඩුව පෙරලෙන එක ගැන තමයි කතාව. ආණ්ඩුව පෙරලගත්තම ඔක්කොම හරි යයි. ආණ්ඩු එකක් නෙමෙයි සීයක් උනත් පෙරලන්න පුලුවන් අපිට අපේ කියලා රටක් ඉතුරු උනොත්. මේ වගේ කාලකන්නිත් අපේ රටේ මැති ඇමති වරු කරවන එවුන්ටයි ගහලා මරන්න ඕන.එහෙන් අර චැනල් 4 තව අලුත් සෙල්ලමක් පටන් අරගෙන. දැන් අපේ ලොකු ලොක්කොත් ඒකෙන් ආතල් ගන්නවා. ආණ්ඩුව කියනවා ඒක බොරුවක් කියලා (හැබැයි එච්චරම තමයි.. ප්‍රතික්ෂේප කරනවා මිසක් ඒවා බොරු කියලා ඔප්පු කරන්න ඕන කමක් නෑ). ප්‍රධාන විපක්ශ දෙක ආණ්ඩුවට වැරදි කියනවා. ඒ අස්සේ අපේ මී හරක් ටිකත් ඒ දෙකට හුරේ දදා ඉන්නවා. නොදකින් මෙහෙමත් මෝඩයෝ රැලක්. රටට හෙන ගැහුවත් ලොක්කොන්ට ඉන්න තැන් ඕන තරම් තියනවා. ඒත් තොපිටයි යන එන මං නැති වෙන්නේ.
මහා ලොකුවට තොරතුරු සන්නේවේදන තාක්ශණය පාසල් විෂය ධාරාවට ඇතුල් කරාට ඔය ලොකු පුටු වල ඉන්න එකෙවත් එල්.ටී.ටී.ඊ එවුන් තරම් වත් මේ තාක්ශ්ණෙන් ප්‍රයෝජන අරගත්තේ නෑ. ඒ අතින් කොටි අපිට වඩා දක්ශයි. අපේ මිනිස්සු එකතු වෙලා යූ ටියුබ් අර ටියුබ් මේ ටියුබ් අපේ ලමයින්ගේ මනස වනසනවා එවා තහනම් කරන්න ඕන කියලා කෑ ගහන්න විතරයි දන්නේ. ෆේස්බුක් මාරයා ලු. ට්වීටරේ තවත් මාරයෙක්ලු. ඔච්චර තමයි දන්නේ. මහ ලොකු සිංහලයා. අරුන් හොඳට ඒ තුන පාවිච්චි කරලා ලංකාව ගැන කරන්න පුලුවන් බොරු ප්‍රචාර සේරම කරනකොට අපේ එල හරක් ඒවා බ්ලොක් කරන්න කතා කරනවා.
ඒකත් නිකං අහක ඉන්න එකෙකුට කතා කරලා මගේ කටට චූ කරපන් කිව්ව වගේ. තවත් ඔය ලොකු පුටුවල ඉන්න අපේ එවුන්ට බැරි උනා එවායෙන් හරි ප්‍රයෝජනයක් ගන්න. උන්ට බැරි දේ අපිවත් කරමු. කරලා පෙන්නමු. මම දන්නවා ඕන තරම් අපේ කොල්ලෝ කෙල්ලෝ ඉන්නවා වීඩියෝ සංස්කරණය කරන්න දන්න. මේ අවස්තාව උඹලගේ. ඉගෙන ගත්ත දෙවල් වලින් රටට වැඩක් කරපන්. සල්ලි හම්බ වෙන්නේ නෑ මේවා කරාට. ඒත් අත පය දිග ඇරලා ඉන්න රටක් හම්බ වෙයි. උඹට නැතත් උඹගේ අනාගත පරපුරටවත්. වරෙන් එකතු වෙයන්. අපි පෙන්නපු මේ පුංචි රටේ ඉන්න යුධ අපරාධ කාරයෝ කියලා හංවඩු ගැහිච්ච රටේ මිනිස්සුන්ගේ වැඩ. සිංහල වෙච්ච අපි ඇත්තටම අපි ගැන ලැජ්ජ වෙන්න ඕන. දෙමල මිනිස්සු කවදාවත් අපි වගේ ගොං වැඩ කරන්නේ නෑ. අපිට උන්ගෙන් ඉගෙන ගන්න වෙනවා.

පි‍ටු පෙරලපු ගාන