බෝම්බයක් කර හදියක්..

Friday, September 2, 2011

මම මේ කියන්නේ 2008 අවුරුද්දේ එක සඳුදා දවසක් ගැන. එදා මම උදේ 5.30 නුවර ඉදල එන ඔෆිස් කෝච්චියේ කොළඹ එනවා වැඩට යන්න. ඔන්න ඉතින් එදත් මම සුපුරුදු පෙට්ටියේ මගේ සුපුරුදු ආසනේට ගියා. අපේ පෙට්ටියේ හිටිය තැපැල් දෙපාර්තමේන්තුවේ ලොකු තනතුරක් දරන අය්ය කෙනෙක්. අපි මෙයාට ජගත් කියමුකෝ. මෙයා ටිකක් සද්දේ දාගන ඇහැ ගහගන ඉන්න කෙනෙක් වටපිටාවට. ඔය නුපුරුදු අය නුපුරුදු මලු එහෙම දැක්කම ටිකක් සද්දේ උස් කරලා අපේ කොම්පාර්ට්මන්ට් එකෙන් අහන්න මේ අය්ය පසුබට වෙන්නේ නෑ. කොහොමත් කෝච්චියේ යද්දී කට්ටිය ටික දවසකින් අඳුරගන්න හින්ද ඒක එච්චර දෙයක් නෙවෙයි.

ඉතින් ඔය කියන දවසේ සඳුදා කෝච්චිය රඹුක්කන පහු කරලා ටිකක් දුර ගියා විතරයි ඔන්න මහා සද්දයක් අවා කාගෙද මේ බෑග් එක.. කෝ අයිතිකාරයා ඉන්නවද?.. කියල ජගත් අය්යාගෙන්. ඔන්න එකපාරම සෙනග අස්සෙන් මීයෙක් වගේ පොරක් කෑගහන්න ගත්ත මගේ මගේ කියල.. හා හා හරි හරි කියල ජගත් අය්ය පොරව නෝට් කරගත්ත. ඔන්න ඉතින් දැන් කෝච්චිය වේයන්ගොඩ එහෙම පහු කරගෙන යනවා.. දෙපැත්තේ තියෙන්නේ වෙල් යායවල් ගුරු පාරවල් එහෙම. ඔය අස්සේ ජගත් අය්ය හොයනවා අර මල්ලේ අය්තිකාරයව. "කෝ දැන් මේ මල්ල ගේනවා මනුස්සයා?".. "ඉන්නවනම් පොඩ්ඩක් කියන්න." "දන්නවනේ අද රට?"... " කෝ දැන්?".." සිරිල් මල්ලි ඔයපැත්තේ ඉන්නවද බලන්න මේ මනුස්සයා?" "සුරංග. කොහේද බන් මේ යකා ගියේ?" ජගත් අය්ය දැන් මේ මනුස්සයව හොයන්නේ හරියට මු වැටිච්ච ඉදිකට්ටක් කියල හිතාගෙන වගේ. සාක්කු වල විතරයි බලන්නේ නැත්තේ. 

කොහොමින් හරි විනාඩි 10 විතර ඔය ජවනිකාව යනවා. දැන් මේක ගෙනාව මනුස්සයා නෑ. රිදී පාට බ්‍රීෆ් කේස් එකක් මේක. කට්ටිය දැන් බයවෙලා මේක බෝම්බයක්ද දන්නේ නෑ. මොකද කොටි එන්නේ ලේබල් ගහගෙන යෑ කියා කියා වැඩේ නියමෙට බවලත් අය අතර නැඟල යනවා. පිරිමි සෙට් එකම අරුට දෙකක් දෙන හැටියි බෑග් එක විසි කරන හැටියි කතා වෙනවා. අපේ ජගත් අය්යට ඔය අස්සේ අම්බ මල. "මේ පරය අපිව වල කජ්ජ ගස්සන්න මෙතන මේ මගුලක් ගෙනත්" කියල පොර මෙන්න එකපාරම බ්‍රීෆ් කේස් එක ජනෙලෙකින් එලියට විසි කරා.  හරි දැන් බඩුම තම කට්ටිය කතා නෑ සද්ද වහල කටවල් අරන් ජගත් අය්ය දිහා බලාගෙන ඉන්නවා. හරියට පොර මේ දැන් පුපුරන්න හදන බෝම්බයක් දතින් අල්ලලා විසිකරා වගේ.

ඔය මගුල් ඔක්කොම අස්සේ කෝච්චිය ඇවිත් ගම්පහ හරියෙන් නවත්තව්වා. මෙන්න අර මීය වගේ එකා කොහෙන්ද ඇවිත් අහනවා "මගේ බෑග් එක කෝ?".. "කෝ මෙතන තිබ්බ සිල්ව බ්‍රීෆ් කේස් එක?" කියකියා. කට්ටිය මුනෙන් මුණ බලාගන්නවා මිසක් උත්තර නෑ. ඔන්න ජගත් අය්ය නැගිට්ට.. "දන්නේ නැද්ද කාලේ හැටි?..කොහේද ඔලුවක් නැති වැඩ කරනවා. තැන් තැන් වල බෑග් දාල යන කාලයක්ද මේ? මේ තමුන්නාන්සේ ඔය මල්ල යනතැනක අරන්ගියනම් නේද හොඳ ? කව්ද දන්නේ ඕක මොකද්ද කියල? 
මී පුරවැසියා : මොකද්ද කියන්නේ? ඒක මගේ ඔෆිස් බෑග් එක. දැන් කොහේද මෙතන තිබ්බ ඒක?
ජගත් අය්ය: කොහේද කාටවත් නොකිය ගියේ? මම ඒක විසි කරා මොකද අහල අහල එකෙක්වත් එන්නේ නැතුවම කව්ද දන්නේ ඔහේ කොටියෙක්ද මේක බෝම්බයක්ද කියල? අපිට කියන්නේ ඔහේලවගේ මිනිස්සු මලු දාල ගියාම ඒවා පරිස්සම් කරගෙන ඉන්න කියලද ඒවා බෝම්බ උනත්?
මී පුරවැසියා : විසිකරා? තමුසේ මොන හයියකටද ඕක විසිකරේ? පිස්සු හරකෙක්. මගේ ඔක්කොම ඔෆිස් ඩොකියුමන්ට් ඒක ඇතුලේ. අනික මගේ ලැප්ටොප් ඒක?? බූරුව.. 
ජගත් අය්යට උපරිම මල දැන්.. බූරුව? මමද ඕයි බූරුව? පිස්සෙක් වගේ තැන්තැන්වල බෑග් දාල යනවා මදිවට කියවන්නත් එනවා. ඕක තමුසේ කොටියෙක් වෙලා මේක බෝම්බයක් උනා නම්? මොකද එතකොට කියන්නේ? මහත්තය ඕකේ ඔච්චර වටින දේවල් තිබ්බනම් ඔහේ දැනගන්න ඕනේ නේද ඕක පරිස්සමට තියාගන්න?
මී පුරවැසියා : කෙහෙම්මලක් කියවනවා. මම වතුර එකක් ගන්න කලින් ස්ටේෂමෙන් බැස්සම කෝච්චිය අද්දන්න ගත්ත. පස්සේ පෙට්ටියක යන්තම් එල්ලිලා එන්න හදනකොට මැද දොරක් වහල. එන්න බැරුව මම දැන් මේ එනගමන්. අපිත් මේ ආසාවට යනවා නෙවෙයි. මනුස්සයෙක්ට හදිස්සියක් උනාමවත් බලන්න දන්නේ නෑ.
ඔය කතාව අහගෙන හිටිය අපේ සෙට් එකට හොදට තදවෙලා අපේ උන්ටික අර මිනිහව කන්න පටන්ගත්තේ බවලත් සෙට් එකේ පුර්ණ අනුග්‍රහය යටතේ. පිස්සෙක් වගේ බෑග් තැන්තැන් වල තියල එනව මෙතන නීති කතා කරන්න. එක්ක එනවා තමුසෙගෙ ලෝයර්. අපිත් හොද ලොයර්ල තමයි හරිද? වගේ කතා කියකියා..

අන්තිමේ කොහොමහරි අර මනුස්සයා ඉස්සරහ ස්ටේෂන් එකෙන් බැහැල ගියා බෑග් එක හොයන්න. අපි ගියා වැඩට. හැබැයි එදත් එදයි ආයේ නෙවෙයි මම අර මීයා වගේ මනුස්සයා දැක්කේ කෝච්චියේ. දෙපැත්තම සාධාරණයි. නමුත් මට හිතෙන්නෙම අපේ ජගත් අය්ය හරි කියල. මොකද කව්ද දන්නේ එක බෝම්බයක් උනා නම්?

පිනාගේ කුප්පිය 04 කොටස

01 ,02, 03,  කොටස් බලන්න 
පොස්ට් එකක් දාන්න ටිකක් පරක්කු උනා මේක මම දාන්න හිතාගන හිටපු පොස්ට් එක නෙවෙයි. එත් කොටස් වෙළදපලට යන්න කලින් මේ ටිකත් කියන්න හිතුනා. වැඩි වල්පල් මොකටද? බහිමු කෙලින්ම වැඩේට.
ඇත්තටම අපි ආයෝජනය කරන්නේ මොකටද? සල්ලි වැඩි කමටද? නෑ. අපි එකිනෙකාට විවිද අරමුණු තියනවා. ඒ අරමුණු ඉෂ්ට කරගන්න නම් අපි ඒ වෙනුවෙන් යම්කිසි සම්පත් කැප කිරීමක් කරන්න ඕනේ. ඒ සම්පත් අරමුණු ලගා කර ගැනීමට යෙදවීමේදී ඇතිවන ප්‍රශ්න අවම වන ආකාරයට යොදවා ගන්නත් අපට පුළුවන් වෙන්න ඕනේ. යම් සැලසුමක් අවශ්‍ය වෙන්නේ ඒකට. විවිද වයස් මට්ටම්, සමාජ ස්ථර, අධ්‍යාපන තත්වය වගේ විවිධ සාදක අනුව අපි එකිනෙකාට තියන අරමුණු වෙනස්. ඒ ඒ අරමුණු අනුව විවිදාකාර අරමුණු ඉටු කරගන්න අපි අපේ සැලසුම් සකස් කරගන්න ඕනේ.
උදා හරණයක් විදියට අපි බලමු වයස් මට්ටම් අනුව පුද්ගලයෙකුගේ අරමුණු වෙනස් වෙන්නේ කොහොමද කියලා
පොඩි කාලේදී ළමයකුට උවමනා වෙන්නේ හොද කෑම ජාතියක් , සෙල්ලම් බඩු වගේ බොහොම සරල දේවල්. අම්ම තාත්තා ලග අඩලා හැපිලා හරි තමන්ට අවශ්‍ය දේ ලබාගන්න පොඩි එකා දන්නවා. ඊට පස්සේ ඉස්කෝලේ යනකොට තවත් විවිද අරමුණු, ඊටත් පස්සේ හොද රස්සාවක්, විවාහයක්, ගෙවල් දොරවල්, දරුමල්ලෝ , තව ටිකක් වයසට යනකොට දරුවන්ගේ අනාගතයට අවශ්‍ය දේ වගේ 
ඉතින් මේ කිසි දෙයක් නිකම්ම කරන්න බැ. තමන්ට අවශ්‍ය දේවල් ලබාගන්න යම්කිසි වැය කිරීමක් අනිවාර්යයෙන්ම කරන්න ඕනේ. ඉතින් අපි රස්සාවක් හරි ව්‍යාපාරයක් කරලා හරි  හොයාගන්න සල්ලි ඔක්කොම ටික වියදම් කරලා විනාස කරලා දානවද නැත්තම් එයින් ටිකක් අනාගතය වෙනුවෙන් සුරැකුමක් විදියට තියාගන්නවද කියන එකත් අපි කල්පනා කරන්න ඕනේ. අපි ආයෝජනය කරනවානම් කරන්න ඕනේ තමන්ගේ ආදායමින් මාසේ වියදම් අයින් කරලා තව හදිසියකට ගන්නත් කොටසක් තියාගන අනාගතය වෙනුවෙන් ඉතුරු කරන්න හිතාගන ඉන්න කොටස. අපේ අය කරන්නේ  එදිනෙදා ප්‍රයෝජනයට ගන්න තියාගන හිටපු සල්ලි ආයෝජනය කරලා  වියදම් කරන්න ඕන උනාම එක පාරටම හදිසියේ  ඒවා සල්ලි කරන්න ගිහින් ආයෝජනයෙන් පාඩු කරගන්න එක. ඊට පස්සේ කොටස් වෙලදපලටයි අනිත් ආයෝජන ක්‍රම වලටයි බනින එක.
ආයෝජනය කියන්නේ අවදානමත් එක්ක තදින්ම බැදිලා තියන දෙයක්. නිතරම අඩු අවදානම් ආයෝජනයකට වඩා වැඩි ප්‍රතිලාබයක් වැඩි අවදානම් ආයෝජනයකින් ආයෝජකයන් අපේක්ෂා කරනවා. අපි ආයෝජනය කරන සල්ලි විවිදාකාර ආයෝජන මාර්ග වල ආයෝජනය කිරීමෙන් අපිට ආයෝජනය සදහා තියන අවදානම කළමනාකරණය කරගන්න පුළුවන් කම තියෙනවා. උදාහරණයක් විදියට අපේ ලග තියන රු 100,000/= ක මුදල අපිට මේ විදියට යොදවන්න පුළුවන්
කොටස් වෙළද පොලේ      30000/=
ඒකකභාර වල                    20000/=
රජයේ සුරැකුම්පත්වල        20000/=
රත්තරන් බඩු වල               30000/=
සම්පුර්ණයෙන්ම එකම ආයෝජන මාර්ගයක ආයෝජනය කරනවාට වඩා හොද ආරක්ෂාවක් අපට මෙයින් ලැබෙනවා. ඕනනම් කොටස් වෙලදපොලේ තියන මුදලත් විවිද ක්ෂේස්ත්‍ර වල යොදවන්න පුළුවන් එතකොට අපි ආයෝජනය කරපු සමාගමක් බංකොලොත් වෙලා වහලම දාන්න සිද්ද උනත් අපිට දරන්න වෙන පාඩුව ඉතාමත් අවමයි.
උදා බැංකු - 10000/= හෝටල් -10000/=  රෝහල් 10000/= වගේ 
එහෙම සල්ලි යොදවන්න කලින් හිතන්න ඕන කරුණු ගැන මම පලවෙනි පාඩමේදී  කිව්වා මතකනේ එහෙමනම් අපි ඊළගට කොටස් වෙළදපොලේදී මුණගැහෙමු 

පි‍ටු පෙරලපු ගාන