Ready චිත්‍රපටයේ විචාරය | Ready Movie Review

Wednesday, July 13, 2011
හොඳම බොලිවුඩ් චිත්‍රපට පිලිබඳ විචාර පමණක් සිතුවිලි පවුරට එකතු කරනවාය කියල අපි සිතුවිලි පවුරට ලියපු පලවෙනි ලිපියෙදි කිව්වා . Ready චිත්‍රපටය හොඳම චිත්‍රපටයක් කියන්න නම් බැරි උනත් මේ වසරෙ මෙතෙක් තිරගත වුනු සාර්ථකම නිර්මාණය නිසා ඒ පිලිබඳ විචාරය අපි ඔබට ඉදිරිපත් කරනව . මේ චිත්‍රපටිය සඳහා තමයි සල්මන් ඛාන්ය්ත් අසිනුත් රූගත කිරීමකට ලංකාවට ආවේ කියල  මතක ඇතිනේ !


චිත්‍රපටියේ මූලික තොරතුරු සඳහා මෙතනින් පිවිසෙන්න පුලුවන්



කථාව 


ප්‍රේම් කියන්නේ  මුදල් හදල් යහමින් තියන පවුලක බොහොම දඩබ්බර තරුණයෙක් . මේ තරුණයාව තැන්පත් කරන්න හිතානා පවුලේ අය මනාලියක්ව මුණ ගස්සන්න තිරණය කරනව . නමුත්  අහඹු  සිදු වීමක් නිසා ප්‍රේම්ට සන්ජනා කියන තරුණිය මුණ ගැහෙනව . සන්ජනා කියන්නේ පාතාල ලෝකයේ දැවන්තයින් වුන තමන්ගේ මාමා වරුන්  අතර තරඟය නිසා ඒ ඒ මාමා වරුන්ගේ පුතාලාට විවාහ කර දීම සඳහා කඹ ඇදිල්ලක හිර වෙලා ඉන්න තරුණියක් . එතනින් පැනල එන සන්ජනා ප්‍රේම් මුණගැහීමත් එක්ක ප්‍රේම්ට ආදරය කරන්න පටන් ගන්නව . මේ දෙන්නගෙ ආදරේට ප්‍රේම්ගෙ පවුලෙ අයගෙ ආශිර්වාදයත් සම්පූර්ණයෙන්ම ලැබෙනව . හැබැයි ඉතින් සන්ජනාව තමන්ගේ පුතාලට බන්දල දෙන්න තරඟයක ඉන්න පාතාලා මාමල මොනව කරයිද , ප්‍රේම් ඒ වට කොහොම මුහුණ දෙයිද ? /........ ඒ දේවල් චිත්‍රපටිය නර්ඹලාම දැන ගනිමු නේ

Editor's Comments | අපේ අදහස




  • කථාව දිහාව බැලුවාම පේන විදිහටම මේක තනිකරම පරණ හින්දි සිනමා වට්ටෝරුවේ  චිත්‍රපටියක් .සූර වීර කොල්ලා අහිංසක කෙල්ල , දුෂ්ට මමා වරුන් , මැද්දෙන් ඔබ්බපු ගීත ජවනිකා ආදිය අඩුපාඩුවක් නැතුම මේ චිත්‍රපටියට අඩංගු වෙලා තියනවා
  • සාම්ප්‍රදායික ලක්ෂණ පිරිල තිබුනත් චිත්‍රපටියට යම් කිසි රසයක් එකතු කරන්න සමත්වෙලා  තියනව චිත්‍රපටියට එකතු කරල තියන නවාංග නිසා. ඒ නිසා පරණ චිත්‍රපටියක් බලන ආකාරයේ කම්මැලි කමක් නම් දැනෙන්නේ නැ කියල කියන්න පුලුවන්
  • හාස්‍යොත් පාදක ජවනිකා හා සිදුවීම් මේ නවාංග අතරින් ප්‍රධානයි කියල කියන්න පුලුවන් . කොහෙන් හරි ඔබ්බපු ජෝකර් කෙනෙක් වෙනුවට  මූලික කථා තේමාව හරහාම හාස්‍ය උපදවන්න නිර්මාණ කරුවා සමත් වෙලා තියනව . විශේෂයෙන්ම චිත්‍රපටියේ දෙවන භාගය හාස්‍යයෙන් පිරිලාය කිව්වත් නිවැරදියි
  • අනව්ශ්‍ය තැන් වල ඔබ්බපු ගීත සැහෙන තරම් තිබුනත් ඒවායේ රූප මය ලක්ෂණ වර්ථමාන හින්දි සිනමාවට ආවෙණිකයි කියල කියන්න පුලුවන් . වට්ටෝරු ගත සිනමාවෙ දකින්න ලැබෙන ගීතමය ජවනිකා වලට වඩා අලුත් කැමරා කෝන හා තවත් සිනමා කරණ ගුණාංග රාශියක් මෙහි භාවිතා කරල තියන නිසාත් ගීතත් සාමන්‍ය  වශයෙන් අලංකාර නිසාත් ගීතමය ජවනිකා අපිට ලොකු වාතයක් නම් වෙන්නෙ නැ 
  • වීරය ගහනව දුෂ්ටය වැටෙන සටන් ජවනිකා භාවිතා උනත් ඒවාත් සාම්ප්‍රදාය ඉක්මවා ගිය වර්ථමානයට යම් තරකින් හෝ ගලප්පන්න පුලුවන් ආකාරයට රූගත කරල තියනව . ඒ ඇරුණාම සමස්ථ සිනමා පටයේම  රූප රාමු භාවිතයත් අර පරණ වට්ටෝරුව්ට අලුත් මුහුණුවරක් ලබා දෙන්න සමත් වෙලා තියනවා කියන එකත් පැහැදිලියි
  • සල්මාන්ගෙ අතිශයින් ජනප්‍රිය වුන  Dabaang සහ Wanted චිත්‍රපටි එක්ක මේ චිත්‍රපටිය ගැන කථා කලත් බොහොම ගැඹුරු චරිත සහිත Dabaang චිත්‍රපටියේ අහලකටව්ත් එන්න Readyට හැකියාවක් නැතෙයි කියලයි චිත්‍රපටිය බැලුවට පස්සෙ හිතෙන්නෙ 
  • හිනා වෙන්න කැමති අයට නම් ඉහලින්ම නිර්දේශ කලත් , හොඳ කථාවක් බලාපොරොත්තු වෙන අයට නම් මේ චිත්‍රපටිය ගැලපෙන එකක් නැහැ . එහෙම හිනාවෙන්න කැමති අය සහ සල්මන්ගේ හා අසින්ගේ රසිකයින් නොවෙන අයට නම් මේ චිත්‍රපටිය වැඩක් නැතිවෙයි .  
Ratings



  • Direction - 2.5/5
  • Celebrities' Performance -3/5
  • Story - 2/5
  • Script - 2.5/5
  • Cinematography - 3/5
  • Music - 2/5
  • Choreography -2.5/5
  • Art Direction - 2.5/5
  • Action - 2.5
  • Editing - 2/5
  • Special Effects - N/A 
  • OVERALL -2.5/5

01)අන්තර්ජාලයෙන් මිලදී ගන්නව නම් පහත සබැඳියෙන් eBayවෙත පිවිසිල මිලදී ගන්න පුලුවන්

http://cgi.ebay.com/Ready-2011-Salman-Khan-Asin-Original-Bollywood-DVD-/130541399453?pt=US_DVD_HD_DVD_Blu_ray&hash=item1e64dfad9d

(eBay සම්ඟ ඔබගේ ගණුදෙනු සම්බඳයෙන් අප  වග කියනු නොලැබේ) 

02)පහල තියන සෙවුම් පද ඒ විදිහටම කොපි කරල ගුගල් හරහා සෙවුමක් කලොත් පලමු ප්‍රතිපලයෙන්ම පිටපත භාගත කරගන්න පුලුවන්


Ready - DVDRip - XviD - [DDR](These are just search keywords we do not held any responsibility on the results )

* චිත්‍රපටිය භාගත කරනවා නම් 5.1 නාද පහසුකම් සහ ඉහල රූප ගුණයක් සහිතව භාගත කරගැනීම යෝග්‍යය. ඉහත සෙවුම් පද මධ්‍යම ප්‍රමාණයේ පිටපතක්(5.1 සහිත ) වන අතර  චිත්‍රපටියේ බ්ලු රේ නිකුත් වුවාට පසුව වඩාත් ඉහල ගුණාංගයෙන් යුතු පිටපත් අන්තර්ජාලයට එකතු වනු ඇත

4 ක් අදහස් පළකරලා. ඔයත් මොනා හරි කියලම යන්න:

Yasantha Hennayake said...

සාම්ප්‍රධායික හින්දි ‍ෆිල්ම්ස් නම් බලලම එපා වෙලා.. හිනා වෙන්න පුලුවන් කීවනේ.. ඒ නිසා බලමුකො ඩවුන්ලෝඩ් කරගෙන.. ස්තූතියි අපිට විස්තර කීවට

Anonymous said...

ප්‍රතිචාරයට බොහොම ස්තුතියි

Anonymous said...

ලස්සනයි හැබැයි මීට මාස 2ට විතර කලින් ඔය කතාවම වගේ යන දෙමළ චිත්‍රපටියක් මම බැලුවා.

DBL said...

@ano -මේක දකුණු ඉන්දිය් චිත්‍රපටියක කොප්පක් තමයි

-
DBL(බොලිවුඩ් සිංහලෙන් අඩවිය වෙනුවෙන් )

Post a Comment

පි‍ටු පෙරලපු ගාන