ගඩගෙඩි මෝඩයාගේ කතාව.

Wednesday, August 29, 2012

ඔන්න එකෝමත් එක රටක එකෝමත් එක ගමක එකෝමත් එක කාලෙක ජීවත් උනාලු මනුස්සයෙක් ගඩගෙඩි  මෝඩයා කියලා. අහ්.. කියන්න අමතක උනානේ මොකද මේ මනුස්සයට මේ නම හැදුනේ කියල. පවු ඉතින් .. දෙමාපියන් නුගත් මිනිස්සු උන එකේ කොල්ලාව වැස්සට බේරෙන්නවත් ඉස්කොලෙකටවත් ඇරියානම් ටිකක් මෝඩකම් අඩුවෙන්න තිබුනා. එත් "ඔය ගහක ගෙඩියක් කඩාගන්න ඇහැකිනම් මදැයි" කියල අප්පා කිවුවම අම්මන්ඩිත්  "එහෙනම්" කියල අනුමත කරපු හින්දා කොල්ල ඔය ගස්ගෙඩි කැඩිල්ල ඇරෙන්න වෙන කිසි මගුලක් ඉගෙනගත්තෙත් නැහැ.. ඉතින් අම්ම තාත්ත වලකජු ගියාට පස්සෙත් මේ මනුස්සය ජීවත්වෙන්න කලේ ඔය රස්සාවම හින්දා ගමේ මිනිස්සු තමයි ඔය නම ලියාපදිංචි කලේ
අපේ මිස්ටර් ගඩගෙඩි   හැඩි දැඩි පෙනුමක් තිබ්බ මිනිහ හින්ද කාන්තා පක්ෂේ එහෙම මිනිහගේ සමහරක් පැති  වල කිසිම අඩුපාඩුවක් දැක්කේ නැහැයි කියලයි කියන්නේ. ඔය ගමේ   ගෙවල් දෙහෙක තුනකම  ගෑනුන්ට හම්බවෙච්ච කොලු පොඩ්ඩන්ට   ගඩ ගෙඩිගේ මුනත්තහඩුව  පිහිටියේ අර මනෝවිද්යාත්මක සාදකේ හින්දනේ.. තාත්තා මොකා උනත් ගෑනු මනුස්සයාගේ වෙලාවට හිතේ ඉන්න හැඩ කාරයාගේ මුණ හම්බවෙන එකාට හරි එකීට හරි හිටින්ඩ පුළුවන් කියනවනේ.. එහෙම වෙන්ඩ  ඇති.. නැත්නම් ඉතින් මෙයා අහිංසකයානේ
ඔන්න ඔහොම ඉන්න අතරේ තමයි ගමේ වයසක ඇත්තෝ එකතුවෙලා මිනිහට බාරියාවක් හොයල දුන්නේ. කොයිවෙලාවෙත් කැහැ  කැහැ ඉන්න හින්දයි උන්දැට කැහි ගෑනී කියල නමක් වැටුනේ.. ඔන්න අපේ ගඩගෙඩි කැහි ගෑනිත් එක්ක සාමෙන් පවුල කනවා. හැබැයි තවමත් අර අල්ලපු ගෙවල් වල ඇත්තියන්ට අර විදිහේ ළමයිම හම්බ වෙනවා. මේ වැඩේ හරි යන්නේ නැහැ කියල මිනිස්සු එකතුවෙලා කැහි ගෑනිගේ නංගී  වෙච්ච හොටු ගෑනිත් අපේ ගඩගෙඩිට සහේට ගෙනත් දෙනවා
දැන් තමයි නියම වැඩේ පටන් ගන්නේ. කැහි ගෑනියි හොටු ගෑනියි දෙන්න ගඩ ගෙඩියා බෙදා ගන්න බැරුව වලිදාගන්න පටන් ගන්නවා. අන්තිමට ගමේ ලොක්ක දෙන්නව සමාදාන කරන්න ගෙනෙනවා යෝජනාවක්. මොකක්ද යෝජනාව ? ගඩ ගෙඩිගේ බාරියාවෝ දෙන්න මාරුවෙන් මාරුවට දවසක් ඇර දවසක් ගඩ ගෙඩියව බෙදාගෙන පවුල් කන්න. ඒකත් නරක නැහැ වගේ..    ගඩ ගෙඩිට රජ සැලකිලි දෙන්නගෙන්ම. එක්කෙනෙක් පරද්දන්න අනිත් එක්කෙනා වැඩ.,. මොන වැඩද කියල මන් දන්නේ නැහැ. කෑම බීම පිසීම වගේ මෙකී නොකී සියල්ලම තමයි..
කැහි ගෑනි සඳුදට මනුස්සයාගේ   කොන්ඩේ එහෙම කපලා පිට අතුල්ලලා නාවලා එහෙම ගියාම අඟහරුවාදාට හොටු ගෑනීට  පිළිවෙල අල්ලන්නේ නැහැ. ගෑනී   අර මනුස්සයාගේ කොන්ඩේ තව කොට කරලා කපලා හම යනකල් පිට අතුල්ලනවා
ඔය අතරේ ගඩගෙඩි හදිසියේ ලෙඩ වෙනවා. ඔන්න එතකොට කැහි ඇවිත් බේත් දීලා සාත්තු කරලා යනවා ඊට පස්සේ   හොටු ඇවිත් අර බෙහෙත් ඔක්කොම විසි කරලා වෙන බෙහෙත් දෙනවා.  බෙහෙත් විස වෙලා අන්තිමට ලෙඩාගේ කකුල් දෙකේ වණ  මතුවෙනවා. 
ඔන්න එතකොටයි ලොක්කා තීරණේ කරන්න දැන් කැහි හොටු දෙන්නම එකට ඉඳන් ලෙඩාට සාත්තු කරන්න ඕන කියල. මේ වැඩේට දෙන්න මනුස්සයව දෙකට බෙදා ගන්නවා වම් පැත්ත කැහිගේ දකුණ හොටුගේ.. 
ඔන්න කැහි ඇවිත් එයාගේ  වම් කකුල   සෝදලා තුවාල වලට බෙහෙත් දාල යනවා. හොටු ඇවිත් අර වම් පැත්තේ තුවාලවල පටි  වෙළුම් ඉරල දාල  දාල තුවාල් වලටත් ඇනලා පාරවලා   තුවාල වන කරලා දකුණේ තුවාල වලට හොඳට සාත්තු කරලා යනවා. ඊට පස්සේ කැහි ආපහු ඇවිත් දකුණු කකුලෙන් පළි අරන් වම් කකුල ආපහු සෝදලා බෙහෙත් ගල්වනවා. 
මේ හබේ ඉවරවෙන්නේ අර යෝදයාගේ කකුල්දෙකම කපන්න සිද්ද වෙලයි.. අන්තිමට ඌ මලා. 

ඔන්න ඔහොම  තමයි උනා කියන්නේ.. මන් ඉතින් ලිවුවේ සිම්පල් කතාවක්. ඕක ඇතුලේ තව කතාවල් පෙනෙනවා නම් ඉතින් මන් මක්ක කොරන්ඩද ? බලන   අයට පෙනෙන හැටි නෙව.. 

17 ක් අදහස් පළකරලා. ඔයත් මොනා හරි කියලම යන්න:

ධමිමික ස‍‍දරුවන් said...

අනේ පව්.මදැයි කසාද බැන්දා...

Anonymous said...

නිදහස ලැබුනදා ඉඳන් අපේ අද්යාපනෙට උනෙත් මේකද ?

දිනුක said...

ගෑනු එකක් එක්ක ඉන්නෙත් කොච්චර අමාරුවෙන්ද?කොහොම දෙකක් මේච්චල් කරන්ඩද අප්පා.....

පැතුම් [සිතුම් පැතුම්] said...

Moda genu dennek.. Eeta hapan gadagediyaa. Heh heh heh

අවතාර් said...

ara ano kiyanna wage adyapanayata wagema thawa dewal walata une oka thama.

තරියා අබේ said...

අනේ දෙයියනේ ගෑනු එපා...

Hasitha said...

දැනුවත්කමේ ආබාධ තමා :)

හිරු කුමරු said...

තනිකඩ ජීවිතේ සැපයි වගේ..

Anonymous said...

Paksha Deshpalanaya!

අටම්පහුර said...

අපිට ඉන්න ප්‍රධාන දේෂපාලන පක්ෂදෙක හරියට කැහිගෑණියි. හොටු ගෑණියිවගේ, මාරැවෙන් මාරැවට රට කනවා.

සරත් ලංකාප්‍රිය said...

ගඩගෙඩි මෝඩයාට මොලේ පෑදෙයිද මැරෙන්න ඉස්සර ?

හිරු said...

බලන අයට පේන හැටි කියලා මට පෙනුනෙත් අටම්පහුර කියපු කතාවම තමයි ඕං.......

හිරුහිමාවී said...

ඕ.......මාරම කතාවක් තමා..

Anonymous said...

ඇයි මේ දවස්වල කැහි ගෑනියි හොටු ගෑනියි දෙන්න අද්යාපනේ කනවා නේද ?

Chatura Wijekoon said...

ලෙඩා මළාට පස්සෙ කකුල් වල අමාරුව නං හොඳ වෙන්ට ඇති මයෙ හිතේ..

තොටියා said...

නියම කතාව...!! ගෑනු දෙන්නෙක්ට මනුස්සයෙක් බෙදාගන්න ගිහින් මෙච්ච්ර කේස් නම් ඒ කාලෙ අපේ රජ්ජුරුවන්ලා ඔටුන්නත් බේරගෙන අච්ච්ර ලොකු අන්තප්පුරයක් මේන්ටේන් කලේ කොහොමද කියලා හිතාගන්නත් අමාරුයි...

තරුවා said...

ෂික්...අදහස අත්ඇරගන්න වෙයි වගේ ;) ;)

Post a Comment

පි‍ටු පෙරලපු ගාන