ආකාසෙ ඉගිලෙන්න මට නොහැකි හින්දා
විල් තෙරේ සඳ එලිය රහසෙන්ම වින්දා
ජිවිතේ දුර යන්න නුඹ නො එන හින්දා
නැවතුනෙමි අතරමග නුඹ ඉන්න හින්දා
ජිවිතය ඉගිලයයි ඒත් මම තව මෙතන
සඳට පෙම් කරපු අපි අද ගිහින් කොයි කොතන
නවතින්න නවාතැන නුඹේ හද මා පතන
ඒත් අද ගිහින් නුඹ මා දමා අද මෙතන
පුර හඳට පෙම් කරේ මම විතර නම් නොවේ
සඳ එළිය හිමි වුනේ මටම විතරක් නොවේ
මල් සුවඳ හිමි වුනේ නුඹට විතරක් නොවේ
දුක දරන් වෙන් වුනේ නුඹ විතර නම් නොවේ
.bmp)
9 ක් අදහස් පළකරලා. ඔයත් මොනා හරි කියලම යන්න:
"නවතින්න නවාතැන නුඹේ හද මා පතන
ඒත් අද ගිහින් නුඹ මා දමා අද මෙතන"
…
…ලස්සන අදහසක් සහෝ... නියමෙට ලියනවා. දිගටම ලියන්න...
හරිම ලස්සනයි,,
@ලහිරු- බොහොම ස්තූතියි යාලුවේ. අපි පතන දේවල්ම හැම වෙලාවෙම ලැබෙන්නෙ නෑ නේ.
@ප්‍රාර්ථනා- බොහොම ස්තූතියි ප්‍රාර්ථනා..
පුර හඳ
ඔබ දෙස බලා දවසක්
සුසුමන් හෙලා
මා අමතලා කී වා
ඇය මගෙ කියා
ඒ ඇසූ ඔබේ දෙසවන්
රත් පැහැ වුනා මට
මතකයි එදා
ඔබ අව සිහිවුනා.........
හිතට සමීප පද ටිකක්. හරිම ලස්සනයි.
සිතුවීල්ල හරි අගේට පද කරලා තියෙනවා... මේක අත්දැකීමක්නම් වෙන්න එපා කියලා ප්‍රාර්ථනා කරනවා
සදා කාලිකව අදරය හිතේ තියගෙන දුරස්ව ඉන්නා පෙම් යුවලක්.!!
අදාරනීය වෙන් වීමක් වගෙයි මේක...
…
හරිම ලස්සනයි.. සුබ පැතුම්..!!
@සුභා සහ සුරේ- ඔයාගෙ සංකල්පනාවත් ගොඩක් ලස්සනයි. බොහොම ස්තූතියි.
@Gimhani- ඔයාටත් බොහොම ස්තූතියි. මේ වගේ අත්දැකීමක් ජීවිතේ කවදා හරි අපිට සමීප වෙනවා.
@Jචමත්™- අත්දැකීමක් නොවෙන්නත් බෑ. අපි හැමෝටම මෙහෙම අත්දැකීමක් නැත්නම් තමයි පුදුම. කොහොම උනත් ගොඩක් ස්තුතියි.
@Nalaka-ඔව්.. එහෙම දෙයක් වෙන්නත් පුලුවන්. ප්‍රශ්ණත් එක්ක කී දෙනෙකුට නම් වෙන් වෙලා යන්න වෙනවා ඇත්ද? බොහොම ස්තූතියි..
ලස්සනයි
Post a Comment