මට නම් නැහැ තේරෙන්නේ

දස මාසෙ කුසෙ දරා
ලේ කිරිකර පෙවු නිසා
මව් සෙනහස මතු බුදු වේ
පොතේ ලියා තිබු නිසා
දොහොත් මුදුන් තබා සොදින්
ඇගෙ පා යුග අත ගසලා
අපෙ අම්මට මා වැන්දේ
මතු බුදු වන්නට පතලා.

මටම දාව දරුවන් දි..
ලේ කිරි කර ඇය පොවද්දි.
බුදු පොතේ ලියා තිබු කවියයි
මට මතක් උනේ....

කල්පයටම එක් කෙනයිලු
මෙ ලොකේ බුදුවන්නෙ.
මොන අම්මද බුදුවන්නේ
මට නම් නැහැ තේරෙන්නේ

[තොටගමුවේ හිමියන්ගේ ජනප්‍රවාද] නැකැත් කෙළිය

මගෙ බ්ලොග් අඩවියෙ මම ලිව්වනෙ තොටගමුවේ ශ්‍රී රාහුල හිමියන් ගැන තිබෙන ජනප්‍රවාද කිහිපයක්. ඒව කියවල නැති අය කියවල බලන්නකො මෙන්න මෙතනින් ගිහිල්ල.

සිනිඳු සේළය
වක දෙක
ගුරු හිමියන්ට බළල් වසුරු කැවීම (කොටස් 1, 2)
ජම්මෙද? පුරුද්දද?
සෘද්ධි තෛලය (කොටස් 1, 2)
තොටගමුව නොව අපගමුව
තොටගමුවේ හාමුදුරුවො යක්ෂයො පන්නපු හැටි
පුන් සඳයි දසවකයි
ගොම දෝත 

අද කතාව "නැකැත් කෙළිය"

එක දවසක් තොටගමු විහාරයට ආව උපාසක මහත්මයෙක්. මොකටද? පොල් පැළ හිටවන්න නැකතක් හදව ගන්න. ගුරු හාමුදුරුවො ඔහුට කිව්ව පස්සෙ දවසෙ එන්න හදල තියන්නම් කියල.

ඉතින් ඔන්න ගුරු හාමුදුරුවො පොඩි නමට ඒ කියන්නෙ රාහුල හාමුදුරුවන්ට කතා කරල කතාව කියල, උන්නාන්සෙට කීව නැකතක් හදල දෙන්න කියල. ඉතින් රාහුල හාමුදුරුවොත් පොත් ගුලට වෙලා වෙහෙස මහන්සි වෙලා නැකතක් හදල දුන්නලු ගුරු හාමුදුරුවන්ට. 

ගුරු හාමුදුරුවො නිකං උන්නෙ නෑ, උන්නාන්සෙත් හැදුව නැකතක්, තමුන්ගෙ ගෝලයගෙ හැකියාව පරික්ෂා කරන්න. ඉතින් රාහුල හාමුදුරුවො හදපු එකත් එක්ක ගුරු හාමුදුරුවො හදපු එක සංසන්දනය කළාම දෙකම හරියටම හරි. ගුරු හාමුදුරුවන්ට හරිම සතුටුයි. උන්නාන්සෙට තේරුනා රාහුල හාමුදුරුවන්ට තව ඉතින් උගන්වන්න දෙයක් නොමැති බව.

ඉතින් ගුරු හාමුදුරුවො රාහුල හාමුදුරුවන්ට මෙහෙම කිව්ව.

"රාහුල, නුඹගේ නැකතට අනුව අපිත් පැළ සිටුවා නුඹගේ ශාස්ත්‍රය සළකා බලමු" කියල.

රාහුල හාමුදුරුවොත් එකඟ උනා.

උන්නාන්සෙගෙ නැකතට අනුව මෙන්න මේ දවසෙ මෙන්න මේ වෙලාවට මෙන්න මේ පැත්ත බලාගෙන පැළ සිටුවිය යුතුයි, මෙන්න මේ කාලය වෙනකොට අස්වැන්න නෙළාගන්න පුළුවන් කියල, කියවිලා තිබුනා.

ඉතින් අර නැකැත් පත රැගෙන යන්න ආපු උපාසක මහත්තයට කියල පොල් පැළ දෙකකුත් ගෙන්නාගෙන උන්නාන්සෙල දෙන්නත් ලෑස්ති උනා පොල් පැළ සිටුවන්න.

ඔන්න නැකත් දවසත් ආව. 

උදෙන්ම අවදි වෙලා මුන්නාන්සෙල දෙන්න පැළ සිටුවන්න සූදානම් උනා. වලවල් දෙකකුත් හාරල, නැකැත් වෙලාව එනකම් බලා උන්න.  ඉතින් නැකැත් වෙලාව ලං වෙනකොට, දුවන තරඟෙකට සූදානම් වෙලා ඉන්න ක්‍රීඩකයො දෙන්නෙක් වෙඩි හඬ ඇසෙනකම් බලා ඉන්නව වගේ දැන් ලෑස්ති වෙලා ඉන්නෙ දෙන්න.

ඔන්න නැකැත් වෙලාව ආව. මෛත්‍රී හාමුදුරුවො පොල් පැළය අතින් අරගෙන උස්සල වලට දාල පස් දාල වැහුව. රාහුල හාමුදුරුවො පොල් පැළය කකුලෙ මහපටැඟිල්ල හා දබරැඟිල්ල අතර රඳවාගෙන ඉඳල හරියටම වෙලාවට වලට අත හැරල, පස් දමල වැසුව. එතනින් ඉතින් පොල් පැළ සිටුවීමේ කාර්යය ඉවර උනා.

නැකතට පොල් වගා කරල ඔන්න වසර කිහිපයක් ගත උනා. ගුරු හාමුදුරුවන්ගෙ පොල් පැළේ හොඳට වැඩෙනව. ඒ උනාට අනේ රාහුල හාමුදුරුවන්ගෙ පොල් පැළේ??? කණාටු වෙලා. 

ඔන්න තව ටික කාලයක් යනකොට පොල් ගස් වල මල් පීදෙන්න පටන් ගත්ත. මල් පීදෙනවත් එක්කම ඔන්න ආපහු "නැකැත් කෙළිය" කියන ගුරු ගෝල සටන ඇරඹෙනවා...

දවසෙන් දවස ගෙවිල යද්දි ගුරු හිමියන්ගෙ පොල් ගසේ මල් පීදිල ගෙඩි හැදෙන්න පටන් ගන්නව. අනේ ඒත් ගෝල හාමුදුරුවන්ගෙ පොල් ගහ වැට ඉන්නක් වගේ එහෙමමයි. ටික කාලෙකින් මේ කතාව ගම් රට පුරාම ආරංචි වෙලා... හැමෝම දැන් මේක ගැන තමයි කතාව.

ගුරු හාමුදුරුවන්ගෙ පොල් ගහ දැන් හොඳට පීදිලා හොඳට ගෙඩි හැදිල. ගහට දරාගන්න බැරි තරම් වලු බර වෙලා. රාහුල හාමුදුරුවන්ගෙ ගහේ ඔන්න යන්තම් මලක් ඇවිල්ල තියෙනව. පංසලට එන කට්ටිය ඔක්කොම මේක ගැනමයි කතාව. හැමෝම රාහුල හාමුදුරුවන්ගෙන් අහනව මොකද මේ වෙලා තියෙන්නෙ කියල. ම්හ්. රාහුල හාමුදුරුවො සද්දයක් නෑ. 

ඔන්න ඉතින් ටික ටික ඵලදාව නෙලන කාලයත් ලං වෙනව. ගුරු හාමුදුරුවන්ගෙ පොල් ගහ නම් වලු බර වෙලා, ගෙඩි පිරිල, රන්වන් පාටින් බබලනව. ඒත් රාහුල හාමුදුරුවන්ගෙ කේඬෑරි පොල් ගහේ යන්තම් එකම එක පොල් වල්ලක් විතරයි තියෙන්නෙ. ඒකත් පොල් කීවට චුට්ටිම චුට්ටි ගෙඩි.

ඉතින් ඔන්න රාහුල හාමුදුරුවොයි ලොකු හාමුදුරුවොයි කතා වෙලා පොල් කඩන්න දවසක් තීරණය කරගෙන ඒ පණිවිඩය හැමතැනම ප්‍රචාරය කෙරෙව්ව. රාහුල හාමුදුරුවොත් එදාටම පොල් කඩනවය කියලත් කියල යැව්ව. අනේ මන්ද මොනව කඩන්නද කියල. මොකද උන්නන්සෙගෙ පොල් ගහේ තිබ්බෙ මේ පුවක් ගෙඩි විතර තරමෙ කළටි පොල් වල්ලක්නෙ. 

පංසලට එන උපාසකයො විහිළුවෙන් අහනව,

"ඈ අපේ පොඩි හාමුදුරුවනෙ, ඔබවහන්සේ නෙළන්නෙ අර කළටි පොල් වල්ලද?" කියල.

හාමුදුරුවො මොකද දන්නවද කිව්වෙ?

ඒක ලිපියේ ඉතුරු කොටසෙන්.....

අපි අද විභාගය ලියනවො..............

හෙළබස

මම මේ කියන්න හදන්නෙ ජාතිවාදෙ අවුස්සන භාෂාප්‍රේමීත්වය කුප්පන සරම කරට අරන් කෑ ගහන විදිහේ දෙයක් නෙමෙයි.මේ භාෂාව හරි හැටි භාවිතා නොකිරීම නිසා කට්ටියක් විඳින වදයක් ගැන කතාවක්.මටත් හරි හැටි බස හසුරුවන්ඩ බෑ.ඒත් තැනට ඕනෙ විදිහට ගැටගහගෙන ගොඩදාගන්ඩ බස හසුරවගන්න පුළුවන්.

මම දන්න කට්ටියක් දැන් අවුරුදු ගාණක ඉඳන් නඩුවක් කියනවා ඉඩමකට.ඉඩං නඩුවක් කිව්වම ඉතිං අහල වැඩක් නෑනෙ.කතාවටත් කියන්නෙ හරියට ඉඩං නඩුවක් වගේ කියලා.ඉතිං මේ නඩුවෙ හරි විස්තරයක් මට දැනගන්න ලැබුණා ඒ එක්කෙනෙක් ඒක ගැන තව එක්කෙනෙකුට කියද්දි.මම අනුන්ගෙ කතාවකට හොරෙන් කන් දුන්නෙ නෑ.එයාලා කතා කරද්දි මට ඇහුණා ඕං හරි ද?

නඩුවෙ ආරම්භක සාමාජිකයෝ තමයි X සහ Xගෙ සහෝදරී.උදේ හවස බණ ඇහෙන මේ ධර්මද්වීපේ මෙච්චර අල්පේච්ඡ ශික්ෂාකාමී ආදර්ශමත් භික්ෂූන් වහන්සේලා මගින් මගට අල්ප ඉච්ඡතාව ගැන කියලා දෙද්දිත් මේ අයියටයි (X) නංගිටයි බැරි උනා තමන්ගෙ උරුමෙ කතාබහ කරල බෙදාගන්න.නඩුව යන්නෙ මේකටයි. Xගෙ තාත්තා Xට ඉඩම ලියලා.පස්සේ Xට ලියපු කොටසට අයිතිවෙන ඉඩම් කෑල්ලක් ආයෙ Xගෙ නංගිටත් ලියලා.ඉතිං මම නීතිය දන්නෙ නැති උනාට මට තේරෙණ විදිහට නංගිට ලියපු එක නීතියට එකඟ නෑ.මොකද ඒ ලියපු කොටසෙ ඒ වෙනකොට අයිතිකාරයා X.නමුත් X දැනං ඉඳලා නෑ තමංගෙ තාත්තා එහෙම නංගිට කොටසක් ලියුවා කියලා.දැනං හිටියනං මිනිහා කෑ ගහනවනෙ.

දැං නංගි තමන්ගෙ අයිතිය ඉල්ලලා නඩුවක් දාලා.මොකද Xගෙ තාත්තා Xට ලියපු ඉඩම් ඔප්පුවෙ තියෙන එක වාක්‍යක අඩුවක් හින්දා.ඒකෙ ලියලා තියෙන්නෙ "මේ ඉඩමට අයත් ගස කොළ පලතුරු Xට දෙනවා" කියල ලු.ඉඩම දෙනවා කියලා ඒ ඔප්පුවෙ නෑලු.ඔප්පුව ලියපු එකා "මෙම ඉඩම හා එයට අයත් ගස කොළ පලතුරු" කියලා ලියුවෙ නැති හින්දා X සහ එයාගෙ නංගි අවුරුදු 15ක් නඩු කිව්වා.අන්තිමට X දිනලා කියලා තීන්දුව එනකොට X මැරිලා.එයාගෙ ළමයි දහදෙනා තමයි නඩුව ඇදගෙන ගියේ.ඊට පස්සෙ Xගෙ සහෝදරී නඩුව ආයෙත් විභාග කරන්න ඇපෑලක් ඉදිරිපත් කළා ලු.ඒකට තව අවුරුදු 5ක් ගියා.ඒ තීන්දුව ආවෙ X නඩුවෙන් පැරදිලා.ඒ වෙනකොට Xගෙ වැඩිමහල් දරුවො දෙන්නෙක්ම ජීවිතෙන් සමු අරන් ඉවරයි.දැං ඉතුරු දරුවෝ සහ ඔවුන්ගෙ දරුවෝ නඩුව නැවත ඉල්ලුම් කරන්න ලෑස්තියි.ඒකෙ ප්‍රථිපල එන්න තව අවුරුදු ගණනාවක් යයි.වචන දෙකක අඩුවක් හින්දා අවුරුදු ගාණක් ඒ මිනිස්සු පිස්සු නටනවා.කාලය සහ මුදල් නාස්තිය අම්මෝ මේ වචන දෙකකටනෙ ඉතිං.

භාෂාව කියන්නෙ හරි පරිස්සමෙන් පාවිච්චි කරන්න ඕනෙ දෙපැත්ත කැපෙන කඩුවක් වගේ එකක්.

සමහර විට ඔයාලා අහලත් ඇති මේ කතාව.

පන්තියේ සර් උගන්නන ගමන් කලු ලෑල්ලෙ ලියන්න හුණු කෑල්ලක් හොයනවලු.වෙන වෙන පාට එව්වා තිබුණට සුදු පාට එකක් නැතිලු.ඉතිං සර් කොල කෑල්ලක "සුදු හුණු කෑල්ලක් එවන්න " කියල ලියලා කොල්ලෙක්ගෙ අතේ එහා පන්තියෙ ටීචර්ට යැව්වලු.මේකත් අර මැරෑටි ඇම්බැට්ට තාලෙ කොල්ලෙක්ලු.මූත් ඉතින් වගක්වත් නැතුව ගිහින් එහා පන්තියෙ  ටීචර්ට දුන්නලු කොලේ.මෙන්න මේ ටීචර් එනවලු සාරි පොටත් පටලගෙන කොණ්ඩෙත් බැඳගෙන දත්මිටි කකා.අර ඇම්බැට්ටයා කොලේ දෙන්න කලින් කොමාවක් දාලා."සුදු, හුණු කෑල්ලක් එවන්න" ඔන්න පේනවනෙ වෙනස.

තව එකක්.මේක මේ සිංහලේ තියෙන පද බෙදීමෙ අවුල් වලින් වුනු එකක්.

පොඩි එකා හොස්ටල් එකේ ඉන්නෙ.ගෙදර අය මූට ඕනෙ කරන ඒව එවන්නෙ සතියකට පාරක් වැඩකාරයෙක් අතේ.දවසක් වැඩකාරයා බඩු ටික මූට ගෙනත් දීලා යද්දි පොඩි එකා වැඩකාරයා අතේ ගෙදරට එවනවා පොඩි ලියුමක්.

"මැද පු* මිස තුන නැත" කියලා.

මේක කියවලා ගෙදර මිනිස්සු අන්දොස්.මේකගෙ නොසන්ඩාලකමට ද? නැත්තං වෙන එකෙක්ගෙ මගෝඩි වැඩක් ද බලන්න තාත්තත් ඉක්මනට හොස්ටල් එකට ගියාමයි දැනගන්නෙ කොල්ලට කියන්ඩ ඕනෙ වෙලා තියෙන්නෙ "මැදපු කමිස තුන නැත" කියලා.

භාෂාව පරිස්සමෙන් පාවිච්චි කරන්න.සිංහල රාජ්‍ය භාෂාව කරන්න කියලා මොරදෙන ගොඩක් ඈයො හරියට බස දන්නෑ කියලත් මතක තියාගන්න.භාෂාව සම්බන්ධයෙන් අහන හරිම ජනප්‍රිය ප්‍රශ්නෙකට උත්තරෙත් කියලම මේක ඉවර කරන්නම්.

ප්‍රශ්නය :- සිංහල හෝඩියේ අකුරු කීය ද?

පිළිතුර :-ශුද්ධ සිංහල හෝඩිය - අකුරු තිහයි (30)
             භාවිත ශුද්ධ සිංහල හෝඩිය - අකුරු තිස් දෙකයි (32)
            මිශ්‍ර සිංහල හෝඩිය - අකුරු පනස් හතරයි (54)
            වර්තමානයේ භාවිතාවන හෝඩිය - අකුරු හැටයි (60)
            ISO (International Standards Organisation) හි ලියාපදිංචි කළ සිංහල හෝඩිය - අකුරු හැට එකයි (61)

අන්තිමට ඔන්න ඔහෙ මේකත් කියලම යන්නං.

සිංහල හෝඩිය ලෝකයේ වඩාත්ම නිර්මාණශීලී හෝඩි දහසයෙන්(16) එකක් බවට තෝරාගෙන ඇත.

අලුත් facebook chat එක වදයක්ද? මෙන්න විසඳුම( 2-කොටස)

ඔයාලට මතක ඇති මම කලින් අලුත් facebook chat එක disable කරන විදිය කියලා දුන්නා.ඒත් ඊට  වඩා තවත් හොඳ ක්‍රමයක් තමා මේ සැරේ ඉදිරිපත් කරන්න යන්නෙ.මේ ක්‍රමයෙන් අපිට පරණ තිබ්බුන  chat box එකම කිසිම වෙනසක් නැතුව හම්බෙනවා.

Zindagi na Milegi Dobara චිත්‍රපටියේ විචාරය | Zindagi na Milegi Dobara - Movie Review

හොඳ බොලිවුඩ් නිර්මාණ  වල තොරතුරු සිතුවිලි පවුරට එකතු කරනවාය කියන එක බොලිවුඩ් සිංහලෙන් සිතුවිලි පවුරට එකතු වුන දවසේ වුනු පොරොන්දුවක් . ඒ අනුව දැනට ලංකාවෙත් තිරගත වෙන Zindagi na Milegi Dobara  චිත්‍රපටිය ගැන විචාරයක් තමයි මේ ඉදිරිපත් කරන්න සුදානම් වෙන්නේ

චිත්‍රපටියට අදාල ඡායාරූප , විඩියෝ සහ මූලික තොරතුරු මෙතනින් ගිහින් බලාගන්න පුලුවන්

කථාව
කබීර්, ඉම්‍රාන් , සහ අර්ජුන් කියන්නේ පාසල් වියේ මිතුරන් තිදෙනෙක් . කබීර්ගේ විවාහයට කලින් බැච්ලර් පාටිය වෙනුවට මේ අය තෝරගන්නේ බැච්ලර් ට්‍රිප් එකක් . ඒ ස්පාඤ්ඤයට සංචාරයක් නිකන් නෙවෙයි ඇඩ්වෙන්චර් සංචාරයක් . සංචාරය සුදානම් කරන ඉම් රාන් ගේ ඒ වෙනුවෙන් තව සැඟවුනු අරමුණකුත් තියෙයි . එක් එක් කෙනාගෙ තෝගා ගැනිම් අනුව වීර ක්‍රියා කරන්න බලාපොරොත්තු වෙන මේ සංචාරයේදී මේ අයගේ ජීවිත වල වටිනාකම් , හැඩරුව වෙනස් වෙන්නේ හරිම අපූරු විදිහට ... වැඩිය විස්තර කලොත් රසය නැතිවෙන නිසා කථාව ගැන ඔය ඇති

අපේ අදහස | Our Comment

• බොලිවුඩ් සිනමාවේ සාමාන්‍ය්යෙන් දකින්න නොලැබෙන ආකාරයේ තාත්වික බවක් මේ චිත්‍රපටියේ දකින්න ලැබෙනවා , විශේෂයෙන් බටහිර චිත්‍රපටිවල දකින්න තියන ආකාරයේ , කොහොම උනත් ඒ අතරම බොලිවුඩ් සිනමාවට ආවෙනික ලක්ෂනත්, සිනමාත්මක ලක්ෂනත් හොඳින් සුරැකිල තියනවාය කියල කියන්න පුලුවන්
• චිත්‍රපටියේ එන සියලුම සිදුවීම් යථාර්ථවාදී නොවුනත් (පූර්ණ ලෙස යථාර්තවාදි සරල සිනමා නිර්මාණ අඩුයි නේ ) සැහෙන දුරට මේ කථාව යථාර්තවාදියි , අපිට සැබැ ජීවිතයේ දකින්න ලැබෙන , වර්ථමාන ලෝකයෙ තරුණ තරුණියන් තමයි චිත්‍රපටියේ නිරූපණය වෙන්නේ . අදාල චරිතත් ඒ තාත්වික බව සුරැකෙන විදිහට සැකසිලා තියනවා වගේම අදාල රංගන ශිල්පීන් ඊට නියම සාධාරණයත් ඉටු කරනවා
• ජීවිතයට යමක් එකතු කරන්න සමත් වෙන කලා නිර්මාණ ඉතාම වටිනව , මේ චිත්‍රපටියත් ජීවිතය දිහා අලුත් විදිහට දකින්න විවිධ සිදුවීම්, හා පුද්ගලයින් ඔස්සේ මඟ පෙන්වීම සිදුකරනව
• මේ අයගේ සංචාරය වටා දිවෙන නිසා ඉතාම සුන්දර පරිසරයක තමයි මුලු සිනමා නිර්මාණයම ගලා යන්නේ . ඒ සුන්දර පරිසරයේ අලංකාරය නිර්මානයට අදාලව ඉතා සිනමාත්මකව හා අලංකාරවත්ව කැමරා කාචයට එකතු කරගන්න අධ්‍යක්ෂවරයාත් සිනමා කරන ශිල්පියාත් සමත් වෙලා තියනව
• ඉතාම සාර්ථකව ගොඩ නංවපු තාත්වික චරිත , ඒවාට උපරිම සාධාරනය ඉටු කරමින් රඟපැම අතින් රංගන ශිලිපීන්ගෙ දායකත්වය ඉතාම සාර්ථකයි කියල කියන්න පුලුවන් . සැම රංගන ශිල්පියෙක්ම තමන්ගෙ වගකීම නිසි ආකාරයෙන් ඉටු කරල තියන බවත් පේන්න තියනව
• ඉතාම හොඳ හාස්‍යක් මතුවෙන තැන් රාශියක් දකින්න ලැබෙනව , මේ එකක් වත් බලෙන් ඔබ්බපු දේවල් නෙවෙයි චිත්‍රපටියට අදාලව , චරිතවලට අදාලව මූලික කථාව තුල පවතින සිදුවීම්
• චිත්‍රපටියේ සංගීතය නම් එතරම් විශේෂයක් දකින්න නැ , මීට වඩා ආකර්ෂනීය සංගීතයකට ලොකු වටිනාමක් එකතු කල හැකිව තිබුනා කියල හිතෙනවා
• සංචාරය වටා දිවෙන කථාවක් නිසා අපිත් ගමනක් යන බවක් තමයි දැනෙන්නේ ... ඒ ස්වාභාවය හා චිත්‍රපටියේ කථා ස්වාභාවයත් නිසා දෙවෙනි භාගයේදී පොඩි කම්මැලි ගතියක් දැනෙනවා චිත්‍රපටිය දිග වැඩියි දෝ කියල
• අන්තිමට සඳහන් කල කාරනය ඇරුණාම අනිකුත් සියලුම කාරණා අනුව මේ චිත්‍රපටිය වෙනුවෙන් ඔබගේ කාලය හා මුදල් වැය කිරීම අපතේ නොයවන බව තමයි කියන්න තියෙන්නේ . සති අන්තයේ සිනමා ශාලාවට යන්න බලාපොරොත්තුවක් තියනවා නම් , මේ චිත්‍රපටිය ඒ සඳහා තෝරගන්න හැකියාව තියනවා . මේ චිත්‍රපටිය මේ වෙනවිටත් ඉන්දියාවෙ හා ලෝකය පුරා අති සාර්ථකව තිරගතවෙනව වගේම ඉතාම හොඳ විචාරක සම්මානත් ලබපු නිර්මානයක් කියන දේත් මතක් කරන්න කැමතියි
• සිප ගැනීමේ දර්ශනයක් ඇරුණාම වෙනත් රූපමය වශයෙන් දරුවන්ට නැරඹීමේ නොහැකියාවක් මේ චිත්‍රපටියේ නැ . කොහොම උනත් මේ කථා තේමාව හෝ කථාව කුඩා දරුවෙකුට වැඩකට ඇති දෙයක් නෙවෙයි . අවුරුදු 12ට වැඩි ඕනිම කෙනෙකුට හොඳින් රසවිඳීමේ හැකියාව තියනව

Ratings

• Direction -3.5/5
• Celebrities' Performance -3.75/5
• Story - 3.5/5
• Script - 3/5
• Cinematography - 4/5
• Music -2/5
• Choreography -25
• Art Direction - 3/5
• Action - N/A
• Editing - 3/5
• Special Effects - N/A
• OVERALL -3.5/5

චිත්‍රපටිය බලපු අය ඉන්නව නම් ඔගොල්ලන්ගේ අදහසත් එකතු කරන්න කො පහලින්


වැදගත් - බොලිවුඩ් සිංහලෙන් කියල කිව්වට මේ වෙන කෙනෙක් නෙ ලිපිය ලියල තියෙන්නෙ කියල සමහර දෙනෙක් කල්පනා කරයි . DBL විදිහට "දසුන්ගෙ සටහන් " කියන බ්ලොග් අඩවිය ලියන්නේ මම .  හැබැයි ඊට ගොඩක් කලින් තමයි බොලිවුඩ් සිංහලෙන් අඩවිය පටන් ගත්තේ යාලුවො දෙන්නෙකුත් එකතු කරගෙන . ඒ දවස් වල තුන් දෙනාම භාවිතා කරපු එකම ප්‍රොෆයිලය තමයි "බොලිවුඩ් සිංහලෙන්" කියන්නේ . බොලිවුඩ් සිංහලෙන් සිතුවිලි පවුරට එකතු උනාටත් පස්සෙ තමයි . වෙනම පුද්ගලික බ්ලොග් ප්‍රොෆයිලයක් හදාගන්නේ . ඒකෙනුත් සිතුව්ලි පවුරට එකතු වෙලයි ඉන්නේ . සිතුවිලි පවුරෙ අවස්ථා සංඛ්‍යාව  සීමිත නිසා අනික් යාලුවනුත් එක්ක කථා කරල "බොලිවුඩ් සිංහලෙන්" ප්‍රොෆයිලය  සිතුවිලි පවුරෙන් ඉවත් කරගන්න ඉල්ලීම කරන්න තීරණය කලා . ඇඩ්මින් තුමාගෙන් ඉල්ලුවත් තාම ප්‍රතිචාරයක් නම් නැහැ . කොහොම උනත් මින් ඉදිරියට බොලිවුඩ් සිංහලෙන් අඩවියට අදාල ලිපිත්  , ඒ කියන්නේ හොඳ චිත්‍රපට පිලිබඳ ලිපි  සිතුවිලි පවුරට එකතු කරන්නේ මම . බොලිවුඩ් සිංහලෙන් නමින් තියන කතුවරත්වය අයින් කරල වෙනත් සහෘදයෙකුට ඒ අවස්ථාව දෙන්නය කියල අපි නැවත වතාවක් ඉල්ලා සිටිනව ඇඩ්මින් තුමාගෙන් .   රැදිල ඉන්න දිගටම ......

ඔයාලා ඔයාලගේ ජිවිත වලට ආදරේයිද

සිතිවිලි පවුර තුල ගැජට් ගැන පමනක් මෙතෙක් කතා කල දේවාගෙන් හිතන්නට යමක්

ඔන්න මේක මගේ ආදරේ ගැන පොස්ට් එකක්වත් නිකමට කියවන විකාරයකුත් නම් නෙමේ හොදද????

මට නිකමට හිතුන එත් හැමොටම හිතන්න පුලුවන් තේරුම් ගන්න ඕනා කියලා හිතුන නිසා මම මේක  බ්ලොග් එකට දාන්නේ.. (මෙය මිට පෙර දේවා ගේ අඩවියේ පලවුවකි)

ඉස්සර වෙලා ම මම පුන්චි ප්‍රශ්නයක් අහනනම්කෝ.. හිතට එකගව උත්තරයක් දෙන්නකෝ...
ඔයා ඔයාගේ ජිවිතේට ආදරෙයිද?????

ම් ඔන්න ඔයාලා ගොඩාක් දෙනෙක් ඒකට කියන්න ඇති ඔව් මම මගේ ජිවිතේ ට ගොඩාක් ආදරෙයි කියලා....
ඒක ඇත්තද???? හිතන්නකෝ ටිකක් ඒක කරන්න පුලුවන්ද කියලා.....

කාට හරි තමන්ටම ආදරේ කරන්න පුලුවන්ද?? නිකමට හිතන්නකෝ පහනක් ලොකු ආලොකයක් දෙනවා අදුර නසන්න.. එත් පහන මුල අදුරුයිනේ....
ඔයාට ලොකේ පේන ඕන දෙයක් ඔයාගේ ඇස් දෙකෙන් බලන්න පුලුවන් ඒ හැම දේකටම ඔයාට ආදරේ කරන්න පුලුවන්.. එත් ඔයා ලගම ඉන්න ඔයා දිහා ඔයාට තනියම බලන්න පුලුවන්ද?????
එහෙම හිතනකොට කලින් දුන්නු උත්තරේ ගැන ආයේ පොඩ්ඩක් හිතන්න හිතෙනවා නේද????

තව දෙයක් මට නම් හිතුනා කලින්.... මම මට ආදරේ කරනවා කියන්නේ තනිකරම ආත්මාර්ථ කාමි හැගිමක් නේද??? ඕක ටිකක් හිත හිත ඉන්නකොට මට හිතුනා මෙහෙම මම හරිද දන්නේ නැ.. මම මට ආදරේ කරනවා කියන්නේ ආත්මාර්ථ කාමි හැගිමක් නෙමේ... එත් මම මම ගැන විතරක්ම හිතනවා කියලා හිතුවොත් අන්න එතනදි නම් ආත්මාර්ථ කාමි කියලා කියන්න පුලුවන්...

ඒ කියන්නේ ඔයා හිතන්නේ ඔයාගේ සැප ගැන විතරයි... ඔයා කරන දෙයින් අනිත් කෙනාට හෙන ගැහුවත් කමක් නැ කියලා හිතුවොත් අන්න කලින් කියපු දේ වෙලා..

එතකොට මොකක්ද මේ මම ඔයාලගෙන් කලින් අහපු ඔයාලා ඔයාලට ආදරේ කරන්වද කියන එකේ තේරුම....
ආදරේ ගැන මොන තරම් සුන්දර වචන වලින් කොයි තරම් කතා කිවත් සරලව කියනවා නම් ආදරේ කියන්නේ මෙන්න මේකටනේ....
අදරේ කියන්නේ මොකක්හරි දෙයක් පිලිබදව හිතට දැනෙන ලොබකමට , මගේ කියන හැගිමට... ඒකනේ ඔයාලා කියන්නේ මගේ රතතරං (මමත් කියනව) මගේ යාලුවා, මගේ අම්මා , මගේ කෙල්ල... ඇයි මේ මගේ කියන කැල්ලක්... ඒ මම ඒ අයට ආදරේ කරන නිසානේ නේද?????

එත් මම මෙහෙම කිවොත්.....
ඔයාලා ඔයාට ආදරේ කරන්නේ නැ කියලා කියනවා නම්, එහෙමත් නැත්තම් මටත් වඩා මම මේ අයට ආදරෙයි කියලා කියනවා නම් මම කියනවා මේ අයට ඔයාලා ආදරේ නැ කියලා....
පිලි ගන්නවද?????

පිලි නොගත්තත් පිලි ගන්න වෙනවා... මොකද ඒක තමයි ඇත්ත....

ඔයා ඔයාට වඩා අදරේ කරන වෙන මුකුත් මේ ලොකේ නැ...  තව දෙයක්....ඔයාට ඔයාට අදරේ කරන්න බැරුව කොහොමද ඔයා වෙන කෙනෙකුට ඔයාට වඩා අදරේ කරන්නේ....
තමන්ට ආදරේ කරන කෙනෙකුට ඇත්තටම ගොඩාක් හොදට අනිත් අයට ආදරේ කරන්න පුලුවන්....

බලන්න කියන්න ඔයාට වැඩියෙන්ම වටින්නේ කාගේ ජිවිතේද කියලා මට කියනවද??? ඔයා දැන් ඔයාගේ පෙම්වතිය , බිරිද ගැන කිය්නවා...
එත් ඒ අයට ආදරේ කරන්න නම් ඔයා කියලා කෙනෙක් ඉන්න ඕනා නේද??? එහෙම ඉන්න නම් ඒ හැමොටම කලින් ඔයා ඔයාට ආදරේ කරන්නම වෙනවා...
ඔන්න පොඩ්ඩක් මම මෙච්චර වෙලා කියපු එක දැන් නම් ඔයාලට තෙරෙන්න ඇති......

මේ ලොකේ ඔයා අදරේ කරන ඕන කෙනෙක්ට ආදරේ කරන්න නම් ඔයා කියන කෙනාට ඔයා අදරේ කරන්නම වෙනවා.... මොකද එයාට තමයි පුලුවන් අනිත් අයට ආදරේ  කරන්න

මෙච්චර වෙලා කියපු දේ කෙටියෙන් කියන්නම්කෝ

ඔයාට අනිත් අයට ආදරේ කරන්න ඕනේ නම්.....
ඔයාට අනිත් අය ආදරේ කරන්න ඕනේ නම්.........
මේ ඔක්කොටම ඔයා කියන කෙනාව පරිස්සමෛන් බලා ගන්න
ගොඩාක් එයාට ආදරේ කරන්න.....

ඔව් ඔයාලා ඔයාලට ආදරේ කරන ගමන් ඔයාලා අදරේ කරන ඔයාලට අදරේ කරන අයට ආදරේ කරන්න ...

නරක වැඩ වලට ආස ළමයින්ට..

ඔන්න ලමයි මේක මගේ පලවෙනි කුරුට්ට.. :D

ලමයි මෙහෙමයි වැඩේ වෙන්නේ.. මේක නරක වැඩ වලට ආස දරුවන්ට.. මම දන්නවා ඔය ඉන්න ළමයි ඔක්කොම වගේ මේ විදියෙ නරක වැඩ වලට ආසයි කියල..

හැබයි මේකෙ නරක වැඩ ගොඩක් නෑ. ඒත් දරුනු නරක වැඩ ටිකක් තියෙනවා..

මෙන්න මේක තමා   .   මන්ත්‍රා...!  බුවාහාආආ....!

පාළුවට

..............හිතෙන්නෙම නැහැ ලියන්න දෙයක්.

දෙයියො දීපු ලබ්බ

පොඩිමෑන්ගෙ  ලට්ට ලොට්ට අඩවියෙන් කරලිය ගෙනාපු  හාට් Piercing...✿•*`¨   වැඩි දෙනෙක්ට  හාට් එක  Pierce  කරගන්න සිතුවිලි පවුරෙත්  කුරුටුගාන්න හිතුවා...  


________හාට් Piercing...✿•*`¨  හදවත සිදුරු කර සිතුවිලි පලදින්නට...



පුංචි කාලෙ ඉදලම
මම ආසකරේ
බෝනික්කො නලවන්න..
කොල්ලො බෝලගහද්දි
මට ඕනෙ උනේ
සෙල්ලම් බත් උයන...
ටික ටික ලොකු වෙද්දි
කොල්ලො කෙල්ලො දිහා බලද්දි
මට ඕන උනේ කොල්ලො දිහා බලන්න..
බස් එකේ කොල්ලො ජැක් ගහද්දි
මට ඔනෙ උනේ
සුදු කොල්ලෙක්ට හේත්තු වෙන්න
උන් මම දැක්කාම හිනා වෙනවා..
යන් කියල කතා කරනවා...
එකයි ඉන්නෙ කියල  රොත්ත පිටින් එනවා..
ඊට පස්සෙන්දට ආයෙ
ඇවිදගන්නවත් බෑ....
මට මේක එපා වෙලා අයියෝ..
දෙයියො මට ඔක්කොම දීල
මට ඕනෙ විදියට ඇග දුන්නෙ නෑනෙ...
එහෙම උනානම්
කොල්ලො කැමතිවෙයි මට
අර පට්ට වේස කෙල්ලොන්ට නැතුව...
කොහෙද...
දෙයියො මට දුන්නෙ
මේ කෙහෙල්මල්
ලබ්බනෙ අයියෝ...
                             __________________ හාට් Piercing...✿•*`¨